Sam哥（吳鎮宇飾）喺劇集《衝上雲霄II》入面完全係男人典範，成熟、穩重又型佬，唔怪得Holiday（陳法拉飾）對佢嗒晒糖。現實中嘅吳鎮宇都係好爸爸、好丈夫嚟，不過佢隻秋田犬脾氣就差啲，仲試過咬死隔籬鄰舍隻狗㖭！
事發喺09年4月，當時鎮宇搬咗去西貢君爵堡4年，某日清晨6點幾，鄰居菲傭如常喺沙灘放主人隻約瑟爹利小狗。鎮宇隻3歲大秋田犬突然失去常性，由寓所狂奔300米到海邊，秋田犬一見到隻小狗，即發狂咁噬向小狗左邊腹部，之後咬住猛咁扯，直至小狗奄奄一息。秋田犬叼住小狗屍體唔放，仲將「獵物」帶回家中耀武揚威。菲傭一路追趕，終於跟到去鎮宇屋企，即時拍門，而遇害小狗嘅主人亦報警。
雖然鎮宇老婆王麗萍之後親自到鄰居屋企道歉兼賠錢，但鄰居怒氣難消，仲喪鬧鎮宇係唔負責任嘅狗主。
吳鎮宇夫婦所養的秋田犬噬死小狗後被漁護署人員帶走。
2009年4月29日
from:
http://hk.apple.nextmedia ... 130831/18402570
