昨日「Cool魔」張智霖42歲生日，下午他駕着新跑車與老婆袁詠儀及波友歎日菜慶生，沿途張智霖被大批女fans及店舖老闆拉着合照，袁詠儀雖然識做「彈開」，但目光仍離不開老公，不過壽星仔卻詐型，笑言老婆及兒子仍未有表示。
張智霖昨日與太太袁詠儀相約好友慶祝42歲生日。
張智霖（Chilam）最近因為無綫劇集《衝上雲霄II》中的情聖機師「Cool魔」而賺到盆滿缽滿，買車又買樓，昨日42歲正日生日的他，於下午1時許便駕駛近日才購下、價值約250萬的銀色平治跑車出巡，接載太太袁詠儀（靚靚）前往尖沙咀，相約大班好友食日本菜慶生。
老闆請飲豆漿
Chilam把座駕停泊於路旁後，與同樣架上太陽眼鏡的靚靚步入附近的一間日本食肆，短短的路程Chilam已被多位途人認出，更有數名女fans追着他大叫「Cool魔」，並圍着要求合照。被眾女士包圍的他來者不拒，逐一滿足粉絲要求合照，慘遭「冷落」的靚靚亦識做的行開，不過卻在旁邊（目及）實老公。「Cool魔」效應除了女士受落，連附近麵店的男老闆得知Chilam生日，還請他飲豆漿賀壽。
張智霖大受歡迎，在街頭遭多位女fans集郵，又獲老闆送上免費豆漿。
放大圖片
詐型囝囝爛瞓
最終Chilam夫婦於食店逗留個多小時，便與友人埋單離開，步出餐廳時追問到Chilam如何慶祝？他說：「今晚（昨晚）都唔會大事慶祝喇，之前已經同啲朋友慶祝咗，食咗幾個生日蛋糕，啱啱嗰餐就係同班踢波嘅朋友慶祝。」而囝囝同老婆有甚麼表示？他即詐型說：「魔童今朝都未瞓醒，未有表示呀，老婆又係冇呀，都仲未有驚喜呀。」不過Chilam在微博留言，指今年生日願望希望食極都唔肥，以他的fit爆身形看來，其願望應該已達到。
文、
From:
http://orientaldaily.on.c ... /00282_024.html
