張智霖（Chilam）、陳法拉和馬國明等人昨日出席無綫劇《衝上雲霄II》在將軍澳舉行的宣傳活動，但吳卓羲因拍劇傷腳而未有出席。他們在台上大玩魔術遊戲，雖然間中出現穿崩位，但仍不乏可觀性，令現場氣氛十分熱鬧。活動尾聲，大家為明日生日的Chilam送上一個巨型生日蛋糕，法拉則送上香吻。
陳法拉賀Chilam牛一送上香吻，Chilam露出趣怪表情。
Chilam稱今年未有計劃慶祝生日，有何生日願望？他笑說：「今年對我係大豐收，加上呢套劇嘅成績又好好，希望一路都咁受歡迎，個人嚟講冇乜生日願望，囝囝健康快樂已經係最好嘅禮物。」會否期望老婆袁詠儀有驚喜給他？他笑說：「最好唔好喇，我個人鍾意有安排。」Chilam亦稱播映結局當日已度了期，希望到時人齊一聚。
魔術師把法拉變到凌空升起，張智霖亦拖着她一同表演。
馬國明和江美儀在劇中將發展成戀人，難怪他們甚合拍。
胡定欣亦即場表演魔術，總算未有失手出洋相。
法拉月賺逾20萬
近日有不少報道稱陳法拉回港向前男友薛世恒索取天文數字贍養費，還指有機會復合，對此法拉說：「呢啲都係好有創意嘅作品，我都唔知信邊樣，𠵱家都係以工作為主，我會好好珍惜機會。」法拉透露和薛世恒關係很好，目前住的居所是自己租，她又指目前未有追求者。法拉還借意反擊地說：「我今個月收入好好，雖然唔過5,000萬，不過一定多過20萬。」
馬國明與江美儀將會在今周播映床戲，馬明說：「我哋條感情線幾得意，但係尺度唔係好盡，仲好搞笑，應該唔會俾人剪。」
from:
http://hk.apple.nextmedia ... 130826/18394322
