阿Wow打開報紙，見大大隻標題寫住王祖賢驚現香港，再掃視張相嗰陣，真係有啲心噏，再鋒利嘅刀都有生銹嘅一日，正如一代大美人都有走樣嘅時候。年輕讀者有所不知，當年王祖賢真係索到爆，尤其係87年俾徐克睇中拍《倩女幽魂》演女鬼聶小倩，阿Wow夠膽講，冇一個女人扮女鬼可以索過佢！
當年王祖賢一頭長髮靚到不得了，即時被邀請拍洗頭水廣告。王祖賢亦拍過日本富士電視台劇集《她是來自香港的女警》。
話說王祖賢憑《倩女幽魂》紅到日本，有廣告商搵佢拍洗頭水廣告，日本六間電視台一齊播，班㗎仔個個見到佢都大讚：「嘩，真長！」唔係話佢嘅頭髮，亦唔係事業線，而係佢嘅43吋長腿。日本富士電視台仲請佢到東京拍電視劇《她是來自香港的女警》㖭！
講開又講，《倩女幽魂》入面飾演另一隻女鬼小青嘅薛芷倫，同小倩同一命運，你都咪話唔邪！
from:
http://hk.apple.nextmedia ... 130824/18392158
