方力申昨日擔任王賢誌主持節目嘉賓，小方承認有意結婚，心態、時間及經濟都準備好。他說：「呢啲睇衝動，順其自然。（係咪只欠求婚？）我都唔知。（如果女友鄧麗欣大肚會點？）我諗唔會，假設性唔答。」他又透露月底有新戲在內地上映，與張馨予、周秀娜拍了翻天覆地親熱戲，可惜最終刪減不少鏡頭，令張馨予略有微言。問可有向女友備案？小方說：「又冇，我個底唔花、最乾淨，抬得起頭做人。」
方力申（左）、王賢誌
另外，王賢誌早前向航空公司索償反被網民炮轟，他稱以後會慎言：「我其實只係想索償自費返港嘅機票錢，我冇理網民點諗，亦唔係質疑機師能力，不過嗰吓真係幾大心理陰影。」
from:
http://orientaldaily.on.c ... /00282_022.html
