身為無綫小生同花旦嘅黃宗澤（Bosco）同楊思琦，兩個走埋一齊原來有一股好強嘅黑氣，點解？事關佢兩個入行多年嚟合作拍過四部無綫劇，但竟然有一半冇得喺黃金時間播出，除咗《英雄．刀．少年》同《強劍》之外，《千謊百計》同《上海傳奇》(前名《上海風雲》)全部變成倉底貨，冇得喺黃金時段出街，只係安排喺無綫收費台播映。
不過黑完一輪後，Bosco同思琦拍嘅倉底貨又忽然重出生天，繼《千》劇今年5月喺翡翠台下午時段播後，佢哋05年拍嘅《上海傳奇》亦終於登陸無綫免費台！無綫安排咗喺今個月30號上午11點45分喺翡翠台播，套劇仲有苗僑偉同向海嵐擔正。
黃宗澤05年同楊思琦、陳國邦拍嘅倉底劇《上海傳奇》，終於有機會喺無綫免費台重出生天。
堅稱冇所謂
對於8年前拍嘅倉底貨安排喺上晝播映，楊思琦日前喺電話度話：「唔失望，之前《千謊百計》都係冇得喺黃金時間播，只係喺收費台播，其實有得喺免費台播我已經好開心㗎喇，邊個時段都冇所謂啦！」不過如果思琦想第時啲劇有得喺免費台黃金檔推出，最好都係避開同Bosco合作好啲！
版主：陳基征
張可頤因為甲狀腺炎辭演《上》劇，後來無綫換咗向海嵐頂替佢同苗僑偉合作，可見套劇有幾多波折。
資料圖片
黃宗澤（左二）同楊思琦（右二）嘅《千謊百計》亦冇得喺無綫免費台嘅黃金時段播映。
from:
http://hk.apple.nextmedia ... 130816/18380576
