前晚新城喺會展搞音樂會，邀請咗喺內地hit到爆嘅《中國好聲音》歌手鄭虹、李維真同趙露做嘉賓，香港歌手就搵咗鄧紫棋（G.E.M.）同小肥等獻唱。中港歌手有唔少crossover演出，不過小肥前晚有啲失準，獨唱嗰陣甩嘴要重唱，同趙露合唱《征服》仲被人哋把聲壓倒。
G.E.M.（左）同鄭虹合唱，佢話只係交流唔係比拼。
前晚新城喺會展搞音樂會，邀請咗喺內地hit到爆嘅《中國好聲音》歌手鄭虹、李維真同趙露做嘉賓，香港歌手就搵咗鄧紫棋（G.E.M.）同小肥等獻唱。中港歌手有唔少crossover演出，不過小肥前晚有啲失準，獨唱嗰陣甩嘴要重唱，同趙露合唱《征服》仲被人哋把聲壓倒。
小肥獨唱嗰陣甩嘴要重唱，表現失準。
小肥作嘔
好彩壓軸出場嘅G.E.M.冇怯場，同聲底雄厚嘅鄭虹合唱掀高潮，G.E.M.亦讚：「中國好聲音歌手真係好出眾，但今次唔係比拼，只係交流。」
着住白色短top露腰嘅G.E.M.上圍激凸，佢話套衫係唱片公司安排，問事前有冇問過男友林宥嘉？佢話：「叫佢自己睇報紙。」被取笑林宥嘉應早已見過她「全相」，G.E.M.臉紅話：「梗係唔係啦！」若林宥嘉出寫真會唔會睇？佢話：「睇死佢都唔會影。」至於表現失準嘅小肥事後解釋午飯時已想嘔。
另外，G.E.M.噚日喺中環出席化妝品活動，16號就22歲生日嘅佢話願望係巡迴演唱會成功。問生日會唔會飛去台灣慶生？佢話：「我係歌手，係唔會送『外賣』嘅。」
from:
http://hk.apple.nextmedia ... 130810/18372023
