無綫《2013香港小姐競選》昨日在中國南沙舉行旅遊大使獎選舉，同場公佈20位候選佳麗外景拍攝城市，可惜她們打扮密實，認真欠缺睇頭，結果由17號陳凱琳獲獎，她早前亦奪得最受傳媒歡迎佳麗獎，先勝兩仗。外界一直視陳凱琳為大熱佳麗之一，她謙稱：「其實個個都做得好出色，當然呢個話題令我更加有信心，我希望自己可以入十強，其他會以平常心面對。」過往旅遊大使獎的得主均會與無綫簽約，陳凱琳希望有機會與無綫合作。
9號劉溫馨（左）和15號蔡思貝承認表現失準，但未因此而失望。記者曾小嘉南沙傳真
17號陳凱琳從湯洛雯（右）手上接過旅遊大使獎，先拔頭籌。
一眾候選佳麗以密實打扮出席活動，欠缺睇頭。
身形輸蝕冇有怕
今屆候選佳麗中不乏身材豐滿之人，相比之下陳凱琳的瘦削身形似乎頗輸蝕，不過她說：「我覺得身材唔係太重要，我對自己有信心。」另一個熱門佳麗9號劉溫馨被指在tvb.com的fansbook欄目晒波罅吸睛，對此她說：「嗰啲都係健康嘅性感，其實都有好多fans睇，我只係將每一日發生嘅事，同人哋分享。」再問劉溫馨是否對自己的身材很有信心？她說：「我滿意自己嘅身材同笑容，只不過將自己最好嘅一面show畀大家睇。」她未有為失落旅遊大使獎而不開心，反而恭喜陳凱琳得獎。
一眾候選佳麗將於後日以泳衣look示人，相信吸引程度遠勝今次活動。
今屆港姐的曝光率不算高，幸好不少佳麗對鏡頭仍有一定敏感度。
湯洛雯自爆肥10磅
15號蔡思貝亦承認表現失準，她說：「我已經練到好熟，但係上到台好緊張，搞到有啲口窒，希望下次可以過到自己嗰關喇！」上屆旅遊大使獎得主湯洛雯有份頒獎，她讚師妹的表現很好。見湯洛雯的身形比前豐滿，她笑說：「我肥咗10磅，雖然（無綫）餐廳啲嘢好好食，但係我要開始節食減肥！」
from:
http://hk.apple.nextmedia ... 130810/18371970
