何猷啟遊峇里攬仔

正在享受暑假的賭王三房兒子何猷啟，與友人去了峇里島旅行，連日來他在Instagram上載的相片大部份是全男班合照，當中包括疑似「斷背男友」尹子仁。向來人緣好的猷啟與室友尹子仁私交甚篤，早前兩人頭貼頭合照因而傳出斷背，氣得家姐超蓮亦要在微博為弟弟澄清。雖然曾經被指斷背，猷啟與尹子仁關係未有疏遠，大合照時，猷啟不避嫌搭住尹子仁及另一男性好友膊頭，果然好兄弟。

另外，曾與何超盈傳緋聞的林建岳女兒林愛兒，日前與一班女性友人開派對，相中的愛兒玩得很癲，拿着巨型酒樽扮「自隊」，更瞓上枱合照，另一張大合照中，愛兒與眾好友個個面紅紅，看來玩得非常盡興。
from:http://hk.apple.nextmedia ... 130807/18366915

上星期五何猷啟同朋友夜蒲飲酒，點知飲到好醉，係咁攬住條柱扮「柱男」。DV圖片

【中環】賭王何鴻燊同三太陳婉珍所生嘅細仔、亦即係超蓮孖生細佬何猷啟，幾個月前被傳疑似斷背，不過事後佢家姐超蓮即刻幫細佬澄清，話猷啟有好多女友。雖然超蓮話猷啟多女友，但呢幾個月好少見到猷啟同女仔行街約會，反而上星期五晚見佢同成班男女朋友去中環Soho區夜蒲，猷啟仲high到飲醉酒，喺街度扮「柱男」㖭！

朋友笑太渣

上星期五晚11點，記者喺Soho區一間酒吧見猷啟同大班朋友蒲吧，初初清一色似係外國返嚟嘅ABC男仔，冇幾耐就有幾個拖住篋嘅女仔嚟到，似乎係猷啟喺外國返嚟嘅同學，一落機就跟猷啟同成班朋友見面。蒲吧當然唔少得飲酒，成班人又香檳又白酒，飲得相當高興。不過，猷啟酒量似乎麻麻，飲到凌晨12點左右，佢就頂唔住要走先，搞到有啲朋友都笑佢話：「唔係咁快就走呀？咁渣㗎？驚呀？」猷啟冇畀朋友大到，依然都係走人先。

不過，見佢行路浮吓浮吓，又不時頭耷耷，好明顯係飲醉。佢不停打電話催司機快啲嚟，最搞笑係佢之後攬實街邊條鐵柱轉嚟轉去又揈嚟揈去，跟住直情成個人挨喺條柱度發吽哣，真係醉得好緊要。好在大約10分鐘後佢司機終於嚟到，猷啟可以返屋企「覺覺豬」。

採訪：楊浩賢、徐錦池
攝影：畢紹基、李志明

【中環】賭王何鴻燊同三太陳婉珍所生嘅細仔、亦即係超蓮孖生細佬何猷啟，幾個月前被傳疑似斷背，不過事後佢家姐超蓮即刻幫細佬澄清，話猷啟有好多女友。雖然超蓮話猷啟多女友，但呢幾個月好少見到猷啟同女仔行街約會，反而上星期五晚見佢同成班男女朋友去中環Soho區夜蒲，猷啟仲high到飲醉酒，喺街度扮「柱男」㖭！

朋友笑太渣

上星期五晚11點，記者喺Soho區一間酒吧見猷啟同大班朋友蒲吧，初初清一色似係外國返嚟嘅ABC男仔，冇幾耐就有幾個拖住篋嘅女仔嚟到，似乎係猷啟喺外國返嚟嘅同學，一落機就跟猷啟同成班朋友見面。蒲吧當然唔少得飲酒，成班人又香檳又白酒，飲得相當高興。不過，猷啟酒量似乎麻麻，飲到凌晨12點左右，佢就頂唔住要走先，搞到有啲朋友都笑佢話：「唔係咁快就走呀？咁渣㗎？驚呀？」猷啟冇畀朋友大到，依然都係走人先。

不過，見佢行路浮吓浮吓，又不時頭耷耷，好明顯係飲醉。佢不停打電話催司機快啲嚟，最搞笑係佢之後攬實街邊條鐵柱轉嚟轉去又揈嚟揈去，跟住直情成個人挨喺條柱度發吽哣，真係醉得好緊要。好在大約10分鐘後佢司機終於嚟到，猷啟可以返屋企「覺覺豬」。

採訪：楊浩賢、徐錦池
攝影：畢紹基、李志明

猷啟成個人眯埋眼頭耷耷攬柱。

又香檳又白酒，猷啟摸一摸個胃，似乎好唔舒服。

猷啟同成班ＡＢＣ喺Soho一間酒吧吹水飲酒。
from:http://hk.apple.nextmedia ... 131015/18463733