徐淑敏（Suki）老公黃浩（Kenny）早前以2億元收購《都市日報》，成為傳媒老闆之後，Kenny前日首度返到位於觀塘的報館管理運作及開會，逗留到傍晚7時許才由黑人保鑣及一名男士陪同下離開，之後再返回位於灣仔新鴻基中心的辦公室繼續工作。
黃浩前日首日晉身成為傳媒人，由保鑣陪同到公司開會。
Suki無暇幫忙
對於首日成為傳媒人，Kenny昨接受電話訪問時，大談感受及辦報的抱負，他說：「接手呢份報紙後，噚日係正式返工同班中高層開會，聽吓佢哋對份報紙有乜意見。初步我會先成立一隊港聞狗仔隊，專跟政治人物同名人，而娛樂狗仔隊會下一步先成立，所以𠵱家港聞版都要增加人手。」
徐淑敏跟黃浩婚後誕下兩女，又投身美容業，早已分身不暇。資料圖片
黃浩離開報館後返到位於灣仔的辦公室。
黃浩透露太太Suki暫時不會協助管理報紙的副刊，他笑言：「老婆係對美容、消閒版好有興趣，不過佢自己開咗一間美容產品公司，現階段好多嘢要打理，邊度會有時間，等佢得閒先搵佢幫副刊寫吓稿啦！」
據悉《都市日報》稍後會有一個新加坡財團入股，Kenny承認稍後會有新股東入股，但未肯透露詳情，他說：「遲吓的確有好大機會有新股東加入，等成熟嘅時候，我自然會公佈，不過就冇諗過會引入內地資金，因為冇呢個需要。」
採訪：馬建華、黃曉程
from:
http://hk.apple.nextmedia ... 130807/18366911
