無綫重頭劇《衝上雲霄II》一直製造好多話題，就連唔係好主要嘅角色都有發揮機會，好似之前岑麗香（香香）同佢劇中明星阿媽呂珊相認係兩母女嗰場戲，好多人都讚香香做得好，夠自然真摯，備受力捧嘅香香真係一劇接一劇。
啱啱同黃宗澤拍完《貓屎媽媽》冇耐，香香又拍另一套重頭劇《M Club》，喺劇中佢做一個孤兒，同《衝II》一樣，一直同親生阿媽失散，佢特登返嚟搵阿媽，而佢嘅親生阿媽，係李若彤同李麗珍等幾個女主角中嘅其中一個。
岑麗香喺新劇《M Club》扮演孤兒，要返嚟搵番阿媽。
一Take搞掂
前日下晝5點幾，香香同張致恆（Steven）喺上環四方街幫《M Club》拍外景，喺劇中佢哋係一對戀人，場戲講香香要走，Steven喺樓梯頂目送香香上綠van，因為好簡單，場戲一take過搞掂，拍完後兩個同導演再對其他稿，有傾有講。
一Take搞掂
前日下晝5點幾，香香同張致恆（Steven）喺上環四方街幫《M Club》拍外景，喺劇中佢哋係一對戀人，場戲講香香要走，Steven喺樓梯頂目送香香上綠van，因為好簡單，場戲一take過搞掂，拍完後兩個同導演再對其他稿，有傾有講。
張致恆同香香做一對，唔知會唔會傳緋聞呢？
唔使講廣東話，香香只係上落小巴，當然唔使NG啦！
講到一劇接一劇咪好辛苦囉？香香噚日喺電話度話：「唔辛苦，拍完《貓屎媽媽》後都有幾日休息做準備，但有得拍好開心。」講到佢又要搵阿媽，香香笑言：「《衝II》唔係我搵喎，係阿媽搵我，唔同㗎！」至於嗰場戲好多人讚，香香話好開心：「身邊人幫我好多，嗰日珊姐嘅感情令我好感動、投入，又有好多人幫我執對白發音，多謝好多人，要讚就讚成隊人啦！」
版主：陳基征
咁啱香香喺《衝II》同呂珊又係玩失散兩母女。電視圖片
香香相認嗰場喊戲大受讚賞，睇佢喊得幾自然流露。電視圖片
from:
http://hk.apple.nextmedia ... 130807/18366796
