無綫重頭劇《衝上雲霄II》吸引到唔少電視迷捧場，今晚播到第16集，劇情越嚟越深入，為咗幫個劇造勢增加收視，無綫竟然罕有咁將條5分幾鐘嘅NG花絮片段放上YouTube任睇，由上星期五上載開始計，截至噚日下晝3點幾已經有超過3,000點擊率，有啲網民仲留言話5分鐘太少！
近日流出嘅《衝上雲霄II》花絮片段中，飾演Jim Jim嘅羅仲謙（右）反串同Sam哥吳鎮宇扮咀，效果爆笑。
無綫重頭劇《衝上雲霄II》吸引到唔少電視迷捧場，今晚播到第16集，劇情越嚟越深入，為咗幫個劇造勢增加收視，無綫竟然罕有咁將條5分幾鐘嘅NG花絮片段放上YouTube任睇，由上星期五上載開始計，截至噚日下晝3點幾已經有超過3,000點擊率，有啲網民仲留言話5分鐘太少！
胡杏兒同張智霖猜枚猜到亂晒，投入啲好喎。
法拉突然大哨上身，激罕過性感照呀。
電視圖片
Cool魔螢幕前勁cool，原來鏡頭後咁cute！
電視圖片
Cool魔猜枚爆笑
NG片裏面，最搶鏡係嚴肅嘅「Sam哥」吳鎮宇同「Jim Jim」羅仲謙竟然扮鬼扮馬，化咗老伯伯妝嘅鎮宇，同反串老婆婆嘅謙仔作狀玩嘴對嘴，裝胸嘅謙仔化晒濃妝，妖艷又惹笑，難怪佢哋未咀得成已經笑到彈開咗。另一場馬國明同江美儀嘅床上咀戲，NG再拍時，馬明奸笑話要從頭嚟過，江美儀忍唔住拍佢個頭，相當精采。
一直受網民關注嘅「巴斯光年」鄧梓峰，同吳鎮宇一場面試戲，鎮宇講完一堆對白等鄧梓峰接，點知鎮宇講完鄧梓峰完全冇反應，鎮宇俾佢激到笑咗出嚟！片尾部份就有「Cool魔」張智霖同胡杏兒兩兄妹和好如初片段，佢哋仲玩埋猜枚，初初幾有默契，不過玩兩玩就猜到亂晒，兩隻嘢淨係掛住笑，勁多NG！另外，張智霖同法拉喺英國嘅激情戲喺香港版刪咗，啱啱喺新加坡嘅鎮宇就喺微博留言話：「可在這裏看到，哈！我有福了！」佢仲諗住同囝囝一齊睇㖭！
鎮宇（右）講完嘢後，鄧梓峰呆咗冇畀反應。
馬國明同江美儀拍床戲NG，情急爆金句。
from:
http://hk.apple.nextmedia ... 130805/18363805
