導演周顯揚拍完《大追捕》後，呢個月20號會再同安樂開一部偶像版《黃飛鴻傳》，主角黃飛鴻由彭于晏做，十三姨係王璐丹，楊穎（Angelababy）會演一位愛慕黃飛鴻嘅悲情女子，最後俾奸人殺死，而井柏然都有份演出，成部戲會喺橫店搭景拍攝。
Baby同彭于晏（左圖）曾經傳過緋聞，但佢哋今次都唔介意再合拍《黃飛鴻傳》。
呢部戲唔係Baby擔正，而且佢同彭于晏之前拍《夏日樂悠悠》嗰陣經已傳過緋聞，但Baby都唔介意照拍，主要因為佢對成個合作團隊有信心，其實Baby真係好鬼忙，最近有唔少電影同電視劇搵佢拍，好似于正已經開晒口想佢做劇集《神鵰俠侶》嘅小龍女，衰在Baby有幾部大片傾緊，搞到佢都唔知點揀好，不過真係揀唔掂嘅話，都可以問吓佢男友海綿蛋糕黃曉明意見。
Baby喺《一場風花雪月的事》親身演出唔少危險鏡頭。劇照
拍槍戰戲耳鳴
而Baby同黃曉明早兩年合拍嘅《一場風花雪月的事》終於會喺內地七夕上，戲中Baby演女警，仲親自拍炒車同爆破等危險鏡頭，佢話拍完槍戰戲後，搞到有啲耳鳴，唔係好聽到人哋同佢講乜，要唞一陣先至慢慢聽到嘢，不過因為佢好鍾意個角色，所以唔介意瞓身演出。
from:
http://hk.apple.nextmedia ... 130802/18359852
