黃宗澤（Bosco）昨日與近日傳出的緋聞拍檔岑麗香齊齊現身銅鑼灣Estee Lauder活動，同場還有依然脹爆的苟芸慧及吳千語。Bosco為坐在梳化的香香、肥苟及千語BB護膚，但三位靚女齊齊失守，露出打底褲。
Bosco與香香第一次以緋聞男女的配搭來搵真銀，香香笑言：「冇尷尬，哥哥同妹妹點會尷尬。」Bosco亦插嘴表示：「冇乜好尷尬，係朋友，搵錢搵食，大家鍾意呢個組合，劇又好反應，多合作冇所謂，多job係好。」記者笑言緋聞趕絕香香真正追求者，她表示：「追求者拍拖係神嘅安排。」
（右起）Bosco與苟姑娘、吳千語及香香齊齊出騷，Bosco更為三位靚女護膚。
Bosco唔做老模
越減越肥的苟姑娘昨日身穿大露背裙，可惜玉背出現粒粒及橙皮紋。記者問到苟姑娘減肥進度緩慢，她表示：「𠵱家睇緊中醫，係人都知係慢啲，調理身體好過。」對於有報道指她被三個男仔飛，引致失眠同經期亂，她表示：「健康冇呢啲問題，聽完都得啖笑，冇拍拖點會俾人飛，緋聞笑完就算。」
香香露出打底褲走光，認真粗心大意。
千語BB大玩《本能》蹺腳，亦告失守露底。
苟姑娘雖然很小心，但始終難逃露底的結局。
此外，無綫劇《貓屎媽媽》前日煞科，一眾演員相約到九龍城一間火鍋店食晚飯慶祝。Bosco和香香前後腳到來，香香表示劇中有好多關於咖啡的資料要背，令她經常NG，問是否由Bosco教她，她說：「佢教得最多都正常，佢似大哥哥，成日笑我口音，但笑完又幫番我。」姍姍來遲的Bosco透露稍後要忙為新餐廳搞裝修，對於最近男模出寫真，他有點驚訝說：「咁厲害？雖然我身形都OK，但我出到去都係老模，我都三張嘢。」問何不趁青春留倩影，他說：「都有，唔係自拍，有拍類似廣告，但梗係冇張家輝咁勁。」
採訪：文國駿、林嘉慈
攝影：陳順禎、陳志嵐
岑麗香再度因與Bosco的緋聞效應，多了搵真銀機會。
Bosco不知是否逃避與香香的緋聞，所以寧可和細細粒合照。
五六年拍一部戲？講到嬲嬲哋，肥佬黎教王家衛拍戲！
想睇今周足本《亂噏24》？蘋果網站動Live預埋你。
http://bit.ly/appletalk24
from:
http://hk.apple.nextmedia ... 130802/18359841
