無綫劇《衝上雲霄II》播出以來，收視最高曾達35點（約225萬觀眾），由於劇集受歡迎，無綫與蕭定一不約而同欲開拍電影版，前者希望原班人馬主演，後者主打Cool魔張智霖（Chilam）和Sam哥吳鎮宇外，還想加入中港兩大帥哥黃曉明與古天樂演出飛機師，女主角屬意薛凱琪和雨僑演空姐。對於鬧雙胞，兩邊都找Chilam做男主角，令他左右做人難，Chilam對此謂最好雙方面合作開拍。
張智霖和吳鎮宇因演出無綫劇集《衝上雲霄II》人氣急升，蕭定一的中國3D數碼娛樂公司想趁勢開拍電影版，月前他已經與兩位主角談好，準備明年初開拍，製作成本約5,000萬人民幣，除鎮宇和張智霖外，還打算加添電影明星參加演出。殊不知無綫製作部也有意將該劇改編成電影版，沿用原班人馬演出，影片若鬧雙胞，只會難為了張智霖和吳鎮宇，因兩邊都有意請他們演出。
張智霖憑《衝上雲霄II》Cool魔人氣急升，不少電影公司都爭相找他拍戲。劇照
邀古仔黃曉明主演
昨日記者聯絡了蕭定一，問他知否無綫也有意開拍《衝》片？他在電話中說：「幾個月前我同Chilam、鎮宇傾呢個戲時，其實都有聽到無綫好似都有意拍電影版，你問我就一定唔想撞啦！如果無綫唔介意，我好樂意同無綫一齊合作搞呢部戲，咁演員又唔使怕順得哥情失嫂意，推邊一邊都唔好。」
吳鎮宇在劇中演Sam哥受歡迎，難怪無綫和蕭定一開拍電影版都想請他演出。
蕭定一開拍的《衝上雲霄》電影版，有意邀chok爆的黃曉明演飛機師。
古仔今年片約多籮籮，蕭定一也想找他演出《衝》電影版。
如果無綫堅持自己開拍，蕭定一會否擔心無綫不賣版權給他呢？他說：「我當然唔想各有各拍啦，但若果無綫堅持自己拍，我哋惟有自己搞，基本上衝上雲霄呢四個字係冇版權嘅，只要我套戲唔用番無綫個故事內容同劇中人物名就冇侵犯版權。」問他除了Chilam和鎮宇外，會邀請甚麼人演出？他說：「𠵱家劇本未出，等出咗劇本後先可以定晒演員，古天樂同黃曉明係好啱做飛機師，女主角我覺得薛凱琪同雨僑都幾適合做空姐角色。」至於導演，蕭定一表示屬意《不二神探》導演、資深電影製作人崔寶珠的兒子王子鳴。
雨僑備受阿一公司力捧，經常有演出機會。
薛凱琪在電影版《衝上雲霄》中與張智霖演情侶。
無綫製作總監梁家樹承認有構思開拍電影版，他在電話說：「我係有意思開拍《衝上雲霄》電影版，因為呢個劇咁受觀眾歡迎，但如果拍電影版，我就希望拍大啲，製作費可能要7、8千萬，搞大製作事前籌備要好足，最後等公司拍板做唔做。如果做嘅話，多數係原班人馬啦。」
無綫開拍《衝上雲霄》電影版，（左起）Chilam、胡杏兒、陳法拉和鎮宇有望演出。
資料圖片
提議增加劫機元素
Chilam被問到《衝》片鬧雙胞，他會接演哪一部？他在電話笑說：「無綫同蕭定一都冇同我講過，但如果真係兩邊都要拍，我都係睇劇本同條件去考慮，我覺得各有各拍唔係幾好，最好兩公司一齊合作，演員唔使左右為難，因兩邊關係都良好。」又提議電影版加劫機或空難等刺激元素。
至於鎮宇昨日透過經理人陳小姐回應說：「鎮宇同台前幕後合作好愉快，如果TVB真係拍電影，佢絕對有興趣幫手。其實劇集開拍前，梁家樹先生都提過有機會拍成電影，當時鎮宇已表態話會支持。」胡杏兒尚未知公司有意開拍電影版，但昨她說：「只要公司開拍，我當然全力支持。」此外，《衝II》前日播出一集，平均收視30點（約193萬觀眾），最高32點（約205萬觀眾）。
from:
http://hk.apple.nextmedia ... 130801/18358239
