巫啟賢近日為無綫《星夢傳奇》做評判，他對參賽者要求嚴格，當中狠辣評語，完全冇面畀，令觀眾睇得過癮。巫啟賢前晚和昨晚在灣仔會展開騷，曾志偉和草蜢撐場上台獻唱，連巫啟賢的13歲長女歡歡都為父彈琴伴奏，巫啟賢對囡囡評價留有餘地，他笑言怕有家歸不得。
巫啟賢自爆給囡囡的酬金有一百元，都算廉價勞工。
巫啟賢已有17年沒在港開騷，前晚反應熱烈，他拖着歡歡上台大唱《至少還有你》，囡囡卻怕醜，他說：「現在女兒大個會甩開我。」巫啟賢即場追問囡囡有否拍拖，更呷醋外父上身說：「如果有我會殺佢。」囡囡以笑遮醜，巫啟賢笑言帶女上台體驗爸爸賺錢辛苦，歡歡反駁：「可能以後我賺錢比你多。」
巫啟賢的13歲長女歡歡亭亭玉立，前晚更上台為爸爸伴奏。
巫啟賢點名邀請鄭俊弘（左）昨晚做演唱會嘉賓，令他頓時升呢。
或收鄭俊弘為徒
志偉上台時叫巫啟賢評價一下囡囡，巫啟賢說：「我評完語唔使返屋企，佢年紀細聲未開，有潛質。」志偉揶揄說：「你（巫啟賢）為咗換衫叫個女嚟唱仲殘忍，你今晚有冇畀錢個女？」巫啟賢說：「一嚿水。」志偉表示代無綫力邀巫啟賢重返《星夢傳奇》，巫啟賢說：「又話我成日鬧人。」志偉說：「係賤格嗰隻。」巫啟賢反寸志偉愛捽人臉，志偉說：「俾我打過嘅會紅。」此話莫非暗指黄浩掌摑事件？志偉又作狀輕打巫啟賢臉，但他說：「我紅咗喎，仲打？」草蜢的蔡一傑出場時，大考巫啟賢舞藝，要求他跟着跳，巫啟賢即嚇呆自愧不如。
巫啟賢完騷後，被問到可會助囡囡入行？他說：「我要求好高，要評估過，得會幫佢，我批評好狠，會講真心話。」巫啟賢跟志偉老友鬼鬼，並爆料說：「女同學生日會，佢會叫我，至於女朋友，佢有請我都會去。」
此外，《星夢傳奇》中一炮而紅的鄭俊弘昨晚在會展擔任巫啟賢演唱會嘉賓，昨午綵排時，巫啟賢透露兩人會合唱《夜夜夜夜》，鄭俊弘表示心情既緊張又興奮，巫啟賢寄語他要享受整個騷。問巫啟賢可想收鄭俊弘為徒？他說：「咁要睇佢今晚表現喇！」
採訪：王連連、楊潔雯
攝影：陳志嵐、黃文偉
草蜢上台又唱又跳，他們更一度考起巫啟賢（右一）的舞藝。
曾志偉（左）前晚撐場做巫啟賢的表演嘉賓，更唱歌助興。
from:
http://hk.apple.nextmedia ... 130728/18352320
