甄子丹50歲牛一玩懷舊

今日係宇宙最強甄子丹50歲牛一，噚晚佢老婆汪詩詩喺中環包餐廳慶祝，主題係60年代造型，壽星公甄子丹扮李小龍耍雙截棍，心情勁靚，佢啜啜老婆汪詩詩面珠答謝：「有呢個老婆仲有乜好講，佢係最好禮物。」汪詩詩仲設計咗手機App送畀老公做禮物。

噚晚出席嘉賓星光熠熠，有大美人關之琳、李嘉欣兩公婆、陳妍希、楊千嬅同老公、林建岳、琦琦、安志杰、任賢齊等，其中許晉亨黐鬚現身，老婆李嘉欣話：「我幫老公度呢個打扮，好難揀禮物畀宇宙最強，都係心意。」

甄子丹扮李小龍耍雙截棍慶祝50歲牛一，感謝老婆為佢安排驚喜派對。

今日係宇宙最強甄子丹50歲牛一，噚晚佢老婆汪詩詩喺中環包餐廳慶祝，主題係60年代造型，壽星公甄子丹扮李小龍耍雙截棍，心情勁靚，佢啜啜老婆汪詩詩面珠答謝：「有呢個老婆仲有乜好講，佢係最好禮物。」汪詩詩仲設計咗手機App送畀老公做禮物。

噚晚出席嘉賓星光熠熠，有大美人關之琳、李嘉欣兩公婆、陳妍希、楊千嬅同老公、林建岳、琦琦、安志杰、任賢齊等，其中許晉亨黐鬚現身，老婆李嘉欣話：「我幫老公度呢個打扮，好難揀禮物畀宇宙最強，都係心意。」

關之琳噚晚匆匆到場，未有接受記者訪問。呂良偉梳蛋撻頭同老婆赴會，送玉器祝壽星長春。

之前因電影《葉問3》同子丹傳不和嘅黃百鳴，噚晚帶埋囝囝黃子桓嚟贈慶，仲送靚酒畀子丹，問兩人係咪友誼不變？黃百鳴騎騎笑話：「一向冇變，唔使做行動證明，自己得啖笑，總之等大家出年嘅期，子丹係不二之選。」

之後陳慧珊夫婦、劉偉強夫婦陸續嚟到，陳自強仲抬架單車做禮物，而子丹外母打扮到似柯德莉夏萍，汪圓圓見到未來老爺蔡志明出現，即刻飛身埋去迎駕，之後蔡加讚都嚟埋，圓圓見到未婚夫大讚：「嘩！好靚仔。」圓圓紥住右手受傷嘅中指，佢話：「之前帶狗仔玩，俾樹枝插傷。」
from:http://hk.apple.nextmedia ... 130727/18351191

「宇宙最強」甄子丹今日50歲生日，昨晚子丹太太汪詩詩在中環包場，為子丹舉行神秘生日派對大事慶祝一番，派對以60年代為主題，子丹戴粗金鏈配喇叭褲登場，到場後即時扮可愛嘟起嘴及大耍雙節棍，又咀足詩詩30秒，極度亢奮。

詩詩精心部署派對，令子丹興奮不已。

昨晚八時二十分左右，甄子丹和汪詩詩落樓受訪，子丹戴着粗金鏈，身穿綠色圖案恤衫配白色喇叭褲，跟詩詩的喇叭褲，可謂襯到絕，子丹心情興奮，邊嘟嘴邊耍雙節棍，非場搞笑，他說一身造型是最後一分鐘先襯到，他說：「原本同屋企人食餐飯咋，心裏面知老婆好錫我，會幫我搞派對，加上媒體朋友通晒天，成日問我派對點搞。」

送app畀老公
詩詩表示為籌備這個派對非常辛苦，子丹聞言忍不住大讚太太真好，即時給太太連環錫面珠，錫足30秒，非常恩愛！詩詩透露給老公送上了一份大禮物，禮物預備了一年，她說：「份禮物好大o架，設計咗個app畀老公，叫做『donnie yen app』，老公拍戲咁辛苦，成日受傷，所以為fans設計呢個app，等佢同fans close啲，多啲互動，今晚都會同嘉賓影相。」

子丹心情靚爆，咀足老婆30秒。

女婿開生日Ｐ，詩詩父母自然成為座上客。

千嬅與老公丁子高悉心打扮到場。

而現場來賓都會收到一份禮物，包括朱古力及有個「丹」字的叉電器，子丹說：「老婆好有心，會整啲嘢畀fans，有啲產品可以做慈善，今年生日願望，希望香港經濟好，全球經濟好。」

關之琳輕裝上陣仍然「索爆鏡」。

蔡加讚梳了個「蛋撻頭」，圓圓大讚未婚夫「好靚仔！」

會場有一個偌大的子丹投射公仔。

圓圓讚未婚夫靚
昨晚派對由詩詩的妹妹汪圓圓及表妹湛琪清做司儀，現場見圓圓中指包着紗布，她解釋早前帶狗玩時，不小心被樹枝弄傷，但她沒有理會，結果看醫生後，才知道有樹枝殘枝留在傷口內。記者笑指幸好婚戒並非戴在中指，她笑說：「係呀，仲有四個月，（未婚夫蔡加讚有冇話你唔小心？）佢知我論盡，娶得我要包容，（送乜嘢畀姐夫？）送咗一支十年紅酒，因為今年係佢哋結婚十周年，希望佢哋儲起到二十周年先飲。」期間加讚突然出現，穿起綠色西裝褸，及梳了一個蛋撻頭，圓圓看後忍不住大叫：「好靚仔呀！」並恩愛合照。

湛琪清一身復古綠色裙打扮，表示全部人也玩很好開心，透露送了一件子丹喜歡的品牌的服飾給對方，形容服飾很舒服，因平日子丹拍戲很辛苦。
from:http://orientaldaily.on.c ... /00282_010.html