有米黃宗澤儲高達又儲樓

黃宗澤、吳千語、衛詩雅和羅力威昨日在銅鑼灣出席高達模型開幕活動，高達迷黃宗澤自小開始砌模型，他的模型收藏不算多，最貴的購入時大約6千至7千元，現時已升價至過萬。問黃宗澤是否主力儲樓及儲女友？他自爆是小富翁，在香港、內地和東南亞都有物業，他說：「儲樓啦，阿媽話要儲磚頭，冇十間咁多，八、九間啦。」

有八至九層樓揸手的黃宗澤，跟吳千語有說有笑。眾藝人出席高達模型展開幕禮，現場還有人玩cosplay。

吳千語昨日出席高達活動，起初她提起男友林峯刻意扮冷漠。

笑媽咪係筍盤

不過黃宗澤否認是筍盤，他說：「唔敢亂認，啲樓就係筍盤，呢啲嘢唔係計身家，睇吓鍾唔鍾意，愛就係筍盤㗎啦。」有傳他與內地女星戚薇在酒店密會，問黃宗澤是否有內地女友？他說：「大陸樓就有，𠵱家有樓冇人住。」暗示沒女主人？他說：「唔係，阿媽就係女主人，佢先係筍盤。」他更搞笑指媽媽現時單身，不介意男士追求她。

千語BB坦言沒砌過高達模型，問男友林峯喜不喜歡高達？她冷漠說：「你問番佢。」問千語拍拖是否齋摸肚仔，沒其他活動？她不禁冧笑說：「同朋友食飯囉。」又謂不介意與男友合作演情侶。
from:http://hk.apple.nextmedia ... 130726/18349370

不少藝人都喜歡買樓保值，無綫小生黃宗澤昨日出席活動時自爆在港及外地共擁近十個物業，不過身家豐厚的他大呻有樓冇人住，又稱所有物業皆用母親之名，笑言想靠害就追他母親。他以圈中「物業王」任達華為目標，希望全世界都有自己物業。

黃宗澤與吳千語一齊揸「劍」，劈個不亦樂乎。

黃宗澤（Bosco）、吳千語、羅力威及衛詩雅等昨日出席時代廣場舉辦的「GUNDAM DOCKS AT HONG KONG」開幕禮，Bosco透露小時候有砌模型，試過最貴以近七千元購買飛船模型，但最後發現沒有這方面天分，故很快放棄。除了模型外，問他喜歡儲甚麼？他爽快地說：「儲樓，阿媽教落買磚頭最好。」Bosco自爆有八、九個物業，部分在東南亞及大陸：「我覺得華哥（任達華）嘅策略幾好，我以佢為目標，每個地方都有自己嘅屋，好勁，可以效法。（你啲樓全部都升值？）啱啱買唔知。（係咪拍過劇嘅地方都有樓？）都係。」

有樓冇人住
記者笑指Bosco身家豐厚是城中筍盤，他急急否認：「我唔係，我啲樓係，筍唔筍唔係睇身家，係睇吓愛唔愛，愛就筍。（好多人送上門？）地產商呀？我冇人愛，你哋有冇好介紹？（你喺大陸唔係有咩？）有樓冇人。」問是否欠女主人時，他即時擺阿媽上枱：「有我阿媽！我啲樓寫晒我阿媽個名。如果要害我好簡單，搵人追我阿媽，我阿媽先係筍盤，佢係單身o架﹗」自言冇人愛的他，現場卻吸引一名中年男fans不斷追着影合照。

黃宗澤笑指單身的母親是筍盤。

羅力威與衛詩雅均喜歡砌高達模型。

千語拒性感
同場的千語早前被《好報》拍得在健身房練拳，她透露將拍攝一部賀歲片及動作片。問會否再與男友林峯合作？她直言：「唔知，但唔介意，同邊個合作都冇問題。（如果飾演情侶怕唔怕尷尬？）唔會，係導演選角，作為專業演員同咩人合作都可以。（男友叫你唔好接性感戲？）我向來唔性感，我呢個年紀唔適合性感。」

另外，衛詩雅自爆早前在家中被書櫃的柱擊中頭部，以致經常見暈。她說：「件事發生喺我出發去日本前，最初係一日暈一次，喺日本嚴重到個幾鐘暈一次，返港即刻照腦同心電圖，醫生話我可能係疲勞過度，叫我唔好多心。我諗住有事會再照磁力共振之類，怕腦入面有瘀血。」
from:http://orientaldaily.on.c ... /00282_007.html