苟芸慧（苟姑娘）在圈中出名好酒量，但她前晚出席活動時卻聲稱不愛夜蒲，似乎有點矛盾，原來苟姑娘爸爸教落，女仔要識飲酒才能夠保護自己，故從小長期由父親訓練飲酒練酒量，苟姑娘還認為飲酒要和信得過的人飲。
苟芸慧以鬆身黑色裙亮相，仍覺得她十分「好肉地」。
藝人苟芸慧、黃浩然、黃婉曼與打扮性感「中門大開」的名模陳嘉容、拋胸亮相的性感女星張暖雅、黃榕、王璐瑤等前晚到中環夜場出席活動。
苟姑娘受訪時自言不愛夜蒲，對上一次夜蒲已經要想當年數到在加拿大讀書時候，但她在圈中出名酒量好，原來自小已經由爸爸長期訓練，她說：「父母教我哋女仔要識飲酒先保護到自己，所以細細個已經喺屋企由爸爸教我同細佬飲酒，由啤酒開始，跟住白酒、紅酒到烈酒都有飲過。」苟姑娘雖然飲得，但平日也不會杯不離手，她認為飲酒要和信得過的人飲才會飲得enjoy及relax。
黃浩然對新劇收視感滿意。陳嘉容中門大開。
現場所見，以鬆身黑色裙亮相的苟姑娘似乎有點腫脹，她說：「係咩？近來唔使開工，搵咗私人教練去做運動，自己冇磅重，但係覺得身體好咗，可能係件鬆身衫問題。」
黃婉曼優雅現身。張暖雅下體離奇凸點。
黃浩然保證冇爛尾
黃浩然過往喜歡與太太夜蒲聽歌、跳舞，但有了孩子後已經絕迹夜場。講到由他主演的劇集《師父‧明白了》被網友抽出穿崩位，古裝劇竟然出現風褸、緊身襪褲等現代物品，他說：「唔係風褸，係斗篷，係呢套劇刻意營造嘅漫畫世界，希望大家抽離現實去睇。」黃浩然又拍心口保證劇情不會出現爛尾。
from:
http://orientaldaily.on.c ... /00282_070.html
