梁祝愛情故事家喻戶曉，正在播映的無綫新劇《師父．明白了》以嶄新方法改編此故事，主角黃浩然、黃翠如及陳自瑤在劇中發展一段錯摸淒美三角戀，扣人心弦，亦是翠如首次擔正的「考牌作」，她直言喊到眼腫，一於以淚水「浸死」男fans。
黃浩然在劇中演捕快「初一箭」，而翠如卻是個女賊。
梁山伯與祝英台的苦戀故事堪稱經典，「十八相送」、「哭墳」及「化蝶」等章節令人印象深刻，不少電影、劇集及舞台劇都曾翻拍，而黃浩然及黃翠如等主演的無綫劇《師父．明白了》亦參考此故事，以新鮮方法包裝一段催淚愛情劇，監製陳耀全更加插大量精句，帶出凡事不要執着的人生哲理，勉勵觀眾放下「人生八苦」，無懼與同期靠型男掛帥的重頭劇《衝上雲霄II》硬撼！
太入戲情緒低落
黃浩然演的「初一箭」角色經常夢見自己是梁山伯，但一直只見到祝英台的背影，未能確認真愛是誰，結果他與演女賊「歡喜」的黃翠如及富家女陳自瑤「胡蝶」發展一段錯摸愛情故事，劇中不時出現真的蝴蝶蹤影，浩然與翠如首次見面亦一同欣賞梁祝皮影戲，別有心思。
黃浩然與黃翠如在劇中有不少感情交流戲。
陳自瑤在劇中演富家女「胡蝶」。黃浩然在八度氣溫下赤裸上身被吊高一晚，非常辛苦。
被網民封為「BB」的翠如加入無綫後極速上位，今次會有大量喊戲，她亦全力以赴投入角色，拍到後期眼淚更「話嚟就嚟」，她說：「拍時我好投入，一日要喊幾次，令我好down，抽離唔到，拍完仲情緒低落。（對收視有壓力？）劇集出街前我緊張到失眠，唔擔心收視，比較緊張自己嘅表現，希望外間覺得我係合格嘅演員。」
寒夜半裸吊成晚
而浩然亦大讚劇中感情戲令人動容，認為古裝愛情劇有種獨特浪漫感覺：「好多離離合合，開頭以為唔係呢個人，但其實最好嘅一直喺身邊，我喺劇中有句口頭禪『好想好想，個天就會幫你』，希望啟發到觀眾。」另一場戲他要赤裸上身被吊高一整晚，相當辛苦：「當晚氣溫得八度，我一直冇衫着，翠如救我之後仲要打，好在冇病倒。（覺得翠如演成點？）好聰明，進步神速，去到中段已經判若兩人。」劇中兩人愛得含蓄，其中一場重逢後親吻戲，監製亦只以剪影交代，問到是否真咀？翠如表示劇情交代幸福感覺，不需太激情，看來女神仍保留螢幕初吻！
from:
http://orientaldaily.on.c ... /00282_016.html
