關之琳爽一半香港天氣，有太陽就熱到跳起，冇太陽一樣翳焗到冇朋友，要克服低氣壓，圈中女星嘅招數，不離少布！
上星期六（十三日），大美人關之琳出巡置地廣場，同一男一女朋友，由Roger Vivier掃到去LV，全程有守中環咇嘅傳媒，包括《壹》仔，護駕陪買。
是日大美人選擇涼快一半，下身短褲涼鞋晒腿，上身就笠咗件中袖外套，唔怕冷親菠蘿蓋，兩膊兩手點都要遮一遮，明顯對自己雙腿較有信心！
帶團（記者）shopping，點都有啲唔過癮，去完LV，大美人決定上車散水；《壹》仔望吓個錶，都成六點，都係時候坐低醫肚，俾對靚腳休息吓啦！
又平底又高踭，試咗唔少對鞋嘅短褲look關之琳，最終買咗一對咁多。
關之琳同女性朋友抦埋一角試鞋，兩個sales輪流攞款攞碼，絕冇冷場。
行LV冇收穫，關之琳同朋友決定散水。
