蒙面歌手龍小菌自除罩後，工作接踵而來，仲無啦啦做埋星級中文補習老師，商業化到痹！
雖然佢會考中文攞A兼有教學經驗，不過佢嘅facebook就被發現錯字連篇。東姑知佢上堂收費仲貴過其他導師，難怪畀網友指物非所值啦！
面對種種負評，佢上周五（五日）出席活動時寸爆反擊：「如果太貴，我自然會畀市場淘汰。（教學經驗不足？）我實習嗰陣都攞distinction（甲級評分）。」
連番錯字，龍老師回應時仍然死撐。在佢嘅fb留言，「定奪」變咗「定斷」、「商討」變咗「相討」！
「梗係」打錯「緊係」，「底下」又寫錯「低下」，希望龍老師將來上堂會check清楚講義，咪教錯學生。
