余文樂與吳雨霏（Kary）的「樂雨戀」維持僅一年便畫上句號，箍煲失敗的Kary上週日終於發信給傳媒公告「分」訊，雙方表示再見亦是朋友，樂仔其後見記者時很維護舊愛，他表示彼此和平分手，仍有聯絡。有指樂仔不滿Kary太黐身才狠撇女方，甩拖樂仔心情似乎未受影響，大前日還相約4名同性好友到大潭玩滑水，樂仔赤膊騷肌，他玩水，另一邊廂的失戀Kary日前卻玩麻雀，一個游濕水，一個游乾水，認真搞笑，這對過氣情侶都算係心有靈犀。
樂仔連曬太陽都chok甫，有型有款。樂仔大曬肌肉，勁fit！
樂仔回到大街，不忘戴番黑超。滑完水後，樂仔與友人開餐。
Kary於網上曬麻雀照。
樂仔大前日下午3時多，跟4名同性好友齊齊赤膊坐船玩滑水，酷熱下玩水降溫。大約玩了兩粒鐘，樂仔便跟朋友埋岸，沖身及收拾行裝後，樂仔做朋友的柴可夫，與其中3男開車到筲箕灣安利嘆魚粉蛋。
from:
http://hk.apple.nextmedia.com/entertainment/art/20130708/18326285
