上月29日係長腿索女連詩雅（Shiga）25歲生日，上週五（28日）晚，Shiga約咗約40個die hard fans去灣仔Red Mr.K場慶祝，其間Shiga唔只同fans玩遊戲，fans仲送贈D.I.Y.心意咭等禮物回禮。
不過最特別係班fans夾份拍咗一條祝賀Shiga生日快樂嘅片段同Shiga打氣，搞到原本笑得好開心嘅Shiga即嚟料狂喊，事後Shiga同FBI講：「雖然入行幾年，發生好多唔開心嘅事，但呢班fans都不離不棄，我覺得自己好好運。」Shiga又靚又有腿功，fans點會離棄佢呀？
出道3年嘅Shiga，上週約咗40多名忠心fans於Red MR.慶祝25歲生日，由於fans喺佢低潮時依然不離不棄，令Shiga感動到喊足5分鐘先收聲。
Fans除自製D.I.Y.心意咭送畀Shiga外，仲親自整理生日蛋糕同佢慶祝，Shiga今年生日願望係，希望可以搵師兄周柏豪同方大同教佢作歌，然後自己親自作番首歌畀歌迷。
