回復單身後嘅前黎明嫂樂基兒（Gaile）喺呢半年都係四海為家，一時喺印尼峇里、一時又走咗去日本，真係好難捉摸！
近日活躍番Instagram嘅Gaile原來又已經離開亞洲，返咗家鄉美國三藩市，除咗探吓媽咪同繼父，當然要陪放緊暑假嘅兩個細妹，FBI仲發現Gaile帶咗之前傳出會參加港姐嘅2妹Crystal去加州聖地牙哥享受陽光與海灘。而相中嘅Crystal唔單只大個女靚女咗，就連身形亦纖瘦咗，唔入行嘥咗啲喎！
Gaile po咗喺聖地牙哥享受陽光嘅相上Instagram，認真寫意。
Gaile上星期趁同二妹Crystal去度假，幫細妹影咗呢張靚相並po上Instagram。相中嘅Crystal樣靚、身形纖瘦，絕對有條件做星。
