鄭中基、雨僑和莊思敏等昨日到鰂魚涌為新片《猛龍特囧》試造型，同場有三個男演員騷肌，不過又再飾演幹探的鄭中基惜肉如金，他笑說：「我太多紋身，又要做差人，唔方便除咁多衫。」他更稱今次未有感情線，不過與太太余思敏無關，他說：「本身冇呢個位，再加會好多嘢，可能我做感情戲冇說服力，又冇乜共鳴，所以我諗唔會太感人，費事嘥彈藥。」
身材瘦削的鄭中基昨日未有效法同場猛男騷肌示人。（左起）張暖雅、石詠莉、雨僑和莊思敏昨日為新片試造型。
鄭中基續說：「我唔會避忌，睇有冇呢個需要，但係都唔會太深入。為咗彌補呢方面，會加咗好多動作，例如被打，做動作被打演員。」至於會否參與7.1遊行時，他坦言：「我頭先同田雞講想去行吓，我冇乜申訴，只係支持！」
from:
http://hk.apple.nextmedia.com/entertainment/art/20130702/18318974
