龍小菌除罩後不停被起底，除真名被踢爆叫蔡小茵外，昨日有讀者爆料指小菌將重操故業，於英皇教育兼職做老師，任教中四至中六的中文科，小菌拿着招牌面罩拍攝的海報曝光，希望憑知名度吸納學生慕名報名，大玩明星效應。
不過，小菌每四堂（下同）就收$620學費，跟其他補習老師最平收$190、最貴收$540學費比較，小菌收取的星級價錢十分昂貴，簡直拍得住補習天后身價，以她區區一年的中學執教經驗，未知成效是否實至名歸呢！
小菌會考時中文取得A，所以唱歌之餘仍希望堅持理想教書。龍小菌將重操故業做補習老師，所收學費冠絕全校。
經理人邵子風否認小菌是因為當歌手沒錢賺，才要做補習老師。龍小菌（左）是教育學院畢業，當年跟鄧小巧是同班同學。
會考中文攞A
昨日本報記者致電小菌經理人邵子風求證，他承認小菌將於暑假兼職做補習老師：「教書係佢其中一個理想，一直冇放棄，否則唔會讀教育學院，𠵱家要發展歌唱事業，唔可以返傳統學校教書，做補習老師可以實現佢理想。」對於小菌收取星級學費，邵子風力撐說：「佢中文會考有A，雖然全職老師經驗只有一年，但好早已經幫人補習同代課。」
邵子風指小菌一直想做老師，又喜歡唱歌，但唱歌唔可以教書，現在魚與熊掌終可兼得，他說：「由暑期開始教，之後再教正規班，佢簽咗合約會長期教落去。」問是否歌手賺唔到錢，所以要兼職教書？他說：「兩個都係佢理想，同錢冇關。」小菌除罩後被指靚女似苟芸慧，現除罩後是否多了工作？他坦言：「傾緊美容同瘦身廣告，都想拍電影。」
from:
http://hk.apple.nextmedia.com/entertainment/art/20130701/18317812
