梁詠琪（GiGi）年多前下嫁西班牙夫婿Sergio，人前人後都十分恩愛，日前她與逢周五隨《蘋果日報》分區附送的時裝美容雜誌《add》，大談她的幸福婚姻。GiGi認為婚姻講求平等：「我覺得婚姻係兩個人手拖手、肩並肩，不分前後向同一目標進發，就如我喺結婚嘅時候做咗本小冊子，上面寫『Never above you,Never below you,Always beside you！』講起嚟容易，但喺茫茫人海搵到相同步伐嘅嗰位，就真係命中注定。」
梁詠琪結婚一年多，已有意與Sergio組織五人大家庭。《add》圖片與Sergio在西班牙完婚，梁詠琪更感染夫婿的陽光樂觀性格。
GiGi喜歡Sergio的善良品性，更笑言外國人口水特別多：「佢係我認識過最善良、細心、體貼嘅男人。佢喜歡表達自己，剛拍拖冇幾耐時，有次佢喊，打長途電話畀我，話佢工作事業都好順利，但呢啲都唔係佢生命裏所渴望嘅嘢，佢話唔想孤獨生活，換轉18歲時遇到呢種坦誠直接嘅告白，我可能會對呢番話起戒心，不過年紀大咗，多咗人生閱歷，嗰時好有信心認定呢個男人。」
憧憬五人行
GiGi透露二人都重視家庭，已有心理準備做媽媽，希望有兩、三個小朋友，GiGi於單親家庭成長，與母親關係深厚，笑言將來有小孩，她必然是最佳典範：「我與媽媽似朋友關係，我希望將來同自己嘅小朋友都有呢份親密。喺媽媽身上學懂要尊重小朋友意願，最重要令佢哋明白唔好讓步畀peer pressure，並非樣樣都要人有我有。小朋友其實都識得獨立思考，有佢哋嘅諗法。」（詳細內容請參閱第九期《add》。）
from:
http://hk.apple.nextmedia ... 130628/18314712
