蒙面歌手龍小菌除罩揭去神秘面紗，連真名都俾網友起底，原來佢叫蔡小茵，小茵變小菌都幾有趣！
小菌現真身後被讚靚女似苟芸慧，不過佢話自己細個係癡肥兒童：「我有四兄弟姐妹，家姐由細都好瘦，可能我最細媽咪特別錫我，畀好多嘢我食，好似金魚食唔飽，一日食兩公升雪糕，每餐食四碗飯，三年級開始暴脹重70磅，仲因為係癡肥學童接受過訪問。」
大腩傷腰
雖然小菌冇因為肥唔開心，但越大身體越差，佢話：「唔止有睡眠窒息，鼻鼾聲好大，仲因肚腩大令腰骨痛，膝頭關節亦好痛，做唔到運動，最重時有250磅成日俾人笑，同學叫我做豬嘜，老師都幫我改花名Fatty，最受傷害係參加比賽，評判話：『你都唱得幾好，但身形幾龐大。』」
龍小菌（右）小時候係癡肥學童，可以孭起同學仔，同𠵱家嘅瘦look（小圖）差好遠。
蒙面歌手龍小菌除罩揭去神秘面紗，連真名都俾網友起底，原來佢叫蔡小茵，小茵變小菌都幾有趣！
小菌現真身後被讚靚女似苟芸慧，不過佢話自己細個係癡肥兒童：「我有四兄弟姐妹，家姐由細都好瘦，可能我最細媽咪特別錫我，畀好多嘢我食，好似金魚食唔飽，一日食兩公升雪糕，每餐食四碗飯，三年級開始暴脹重70磅，仲因為係癡肥學童接受過訪問。」
大腩傷腰
雖然小菌冇因為肥唔開心，但越大身體越差，佢話：「唔止有睡眠窒息，鼻鼾聲好大，仲因肚腩大令腰骨痛，膝頭關節亦好痛，做唔到運動，最重時有250磅成日俾人笑，同學叫我做豬嘜，老師都幫我改花名Fatty，最受傷害係參加比賽，評判話：『你都唱得幾好，但身形幾龐大。』」
ＢＢ時肥白可愛嘅小菌，獲外婆痛錫有加。由細到大龍小菌都係肥妹仔，但家姐竟然又高又瘦。
龍小菌被網友踢爆真名叫蔡小茵，曾經喺學校做老師。
由於健康響警號，小菌決定減肥：「一星期做四、五日gym，早餐食兩塊麥包、香蕉番茄生菜，午餐沙律或薯菜，夜晚食魚雞戒澱粉質。」對於被讚似苟姑娘，小菌話：「苟姑娘靚我好多，社會標準瘦等如靚，但我唔覺自己靚。」
from:
http://hk.apple.nextmedia ... 130627/18313403
