周國賢好爸爸形象正面，加上去年奪得勁歌金曲「最受歡迎唱作歌星獎」，大有機會上位。不過本刊收到消息，周國賢原來背住韓籍老婆李美英，搭上自己所屬唱片公司BMA的女助手陳若南（南南）。南南樣貌平平，但勝在嗲功了得，主動出擊攻陷周國賢。
據知，李美英知道有小三出現大發雷霆，即時帶同三名女兒搬離天后寓所，更表示會與女兒返回韓國。周國賢為免妻離女散，連日發功陪實妻女箍煲。至於小三南南，則準備到日本旅行散心，臨行前就向周國賢表明，只要周國賢留低，自己唔介意繼續做小三。老婆新歡難取捨，周國賢今鋪玩出火！
周國賢除了是歌手，亦是Eason及薛凱琪御用創作人。近年曝光率增多，連周日飲食節目《夜宵磨》都有佢份。
33歲的唱作歌手周國賢，22歲已經與在日本結識的韓籍同學李美英結婚，至今已十一年。作為三女之父，周國賢一向以好丈夫、好爸爸形象示人。不過近日卻傳出李美英已經帶同三名女兒搬離天后翠巒閣的消息。
「李美英喺香港朋友唔多，唯一娛樂就係上網。佢早排喺Instagram見到Endy（周國賢）同女助手南南啲親密嘅相，已經覺得佢哋有嘢。加上近半年Endy多咗夜歸，有一晚李美英終於忍唔住，質問老公同南南係乜嘢關係。Endy冇諗過老婆會check自己，於是答到口窒窒，李美英見到咁更加肯定，仲嬲到帶埋三個女漏夜出走。」知情者說。
據知，李美英起初還想即時帶三名女兒回韓國，但因為周國賢出動到父母勸老婆留低，加上九歲大女仍要考試，令李美英暫時打消回韓國念頭。至於周國賢亦唔捨得老婆及女兒，連日來都落力箍煲，更打算暑假陪妻女去外國旅行，用行動𠱁番老婆。
豪放小三
小三助手南南不時在網上大晒性感相，還與農夫玩得好親密。
昔日溫馨周國賢與李美英育有三女，大女Clara（圖）今年9歲，至於小女兒則只有兩歲。一旦夫妻離異，最慘一定是三名小朋友。
妻子李美英
真愛擁抱
去年尾，在周國賢演唱會後台，兩人激情相擁，南南更說周國賢令她「感受到甚麼是真愛。」
人夫推車
雖然做助手，不過南南卻冧到周國賢為他推車，甚有野蠻女友feel。
俾帽招親
周國賢不時送小禮物𠱁南南，更笑指是「俾帽」招親，而南南亦十分受落，叫周國賢「chow chow」。
重新出發
陸永女兒出世，南南藉着照片在Instagram發表愛情觀，更以「扣鈕論」暗示周國賢與妻子的愛是錯愛。
愛的紋身
南南五月尾在腳部紋上了一隻小象，小象含住一支玫瑰，踏步進入一個廣闊空間，象徵南南渴望將自己和周國賢的愛情（玫瑰）可以更進一步。
戀上女助手藝人與助手因工作而朝夕相對，容易產生感情，就算是當年已婚的黎耀祥，亦因為拍檔李麗珍助手梁耀蓮介入而狠飛老婆，小三都可坐正。
黎耀祥92年，剛和女友結婚的黎耀祥，因拍攝《俠女游戲》，認識了李麗珍助手梁耀蓮。93年祥仔即與前妻離婚，97年再與梁耀蓮到拉斯維加斯正式註冊。
葛民輝92年，葛民輝與唱片公司助手區祖凝（Mini）結婚。婚後Mini極為低調，至08年阿葛突然心臟不適，Mini才帶埋兒子探病，關係曝光。
鍾鎮濤97年傳出鍾鎮濤與助手范姜相戀，翌年阿B正式公開范姜女友身份。范姜及後更為他誕下兩名女兒鍾懿及鍾幗，不過兩人至今並未註冊。
古巨基古巨基同助手Lorraine拍拖多年，有傳當年Lorraine為了令初出道的基仔有更高的歌曲播放率，經常攜外賣甜品、豆腐花到電台慰勞DJ。
助手愛黐星作為「小三」的南南，年約廿七歲，入行前是黃又南的fans，後來做過農夫及少爺占助手。南南外表風騷兼open，曾以「Baby」稱呼少爺占及農夫。
「之前南南成日出活動黐男Artist，搞到俾佢當時嘅公司『CMD』炒咗。佢3年前入咗BMA，仲做咗Endy（周國賢）助手。南南同Endy愈來愈親密，由初初叫佢『周仔』到後來暱稱佢做『Chow Chow』，當正Endy係男友。南南投懷送抱，Endy本身同老婆又有問題，冇幾耐佢哋就打得火熱啦。」
近日，唱片公司BMA亦得知周國賢和南南關係非比尋常，結果在公司施壓之下，南南已經辭職。而Endy唔捨得妻女，有意與南南結束關係。南南知道後，就向男方表示六月尾去日本散心，待件事丟淡後，唔介意繼續做小三，令他十五十六。
本刊致電農夫的陸永，他亦表示南南為人熱情：「南南以前係我哋助手，佢個人好開朗、癲癲得得，好易同人熟。」
其實周國賢搭上南南，與他跟韓籍妻子李美英感情轉淡不無關係。05年，李美英在MSN對網友自訴芳心寂寞。事後周國賢亦自責：「雖然太太之前好支持我入行，但後來佢就話唔知我做呢行會咁忙。我都覺得好對佢唔住。」10年，周國賢亦自爆曾經同老婆分房瞓，夫婦間有鴻溝，有跡可尋。
貼身膏藥
工作時，南南就算沒有甚麼可以幫手，都會黐到周國賢實一實。親密程度，連一同工作的藍奕邦（左）都為之側目。
教女添爭執事實上，李美英一直未能融入香港社會，而周的父親一直希望孫女講廣東話，不過由於李美英平日只是用英文教女，三名女兒都只識講唔鹹唔淡的廣東話，令向來孝順的周國賢增添不少壓力，夫婦亦多了爭執。
本刊致電周國賢，問到有關他太太攜三女出走，他故作輕鬆地說：「其實我哋呢兩個月舉家移民加拿大，搞移民係為咗大女早啲出國讀書。（你同南南咩關係？）我同佢係工作嘅關係。我同公司請咗半年假，安頓好家人我會再返嚟。」而本刊記者亦多次致電南南，她未有接聽。
兩星期前，周國賢太太李美英已經帶埋三個女搬離周國賢現值一千八百萬的翠巒閣二千呎寓所。
周國賢父親在上環經營海味生意，他一直支持兒子搞音樂，05年周國賢開騷，他亦睇到散場至走（圖），今次他勒令兒子要跟南南斬纜。
女兒撐場
11年，周國賢開騷，他的老婆同囡囡都有撐場，兩個囡囡在音樂會尾聲時更上台獻花。
異國戀易玩完娛圈容易發生異國情緣，唔少例子都因為文化差異，導致思想行為漸漸各走極端，分手收場。
張曼玉
98年，張曼玉與法國導演阿薩亞斯（上）結婚，有傳因男方有新歡導致3年婚姻破裂。11年，她亦因為德籍男友Ole Scheeren在北京偷食而結束4年情。
鍾欣桐
有傳阿嬌的韓籍男友K先生（權寧一）甚大男人主義，而且不時有美女纏身，阿嬌最終難忍男友花心，於5月20日，取消了K先生微博的關注，為期10個月的戀情正式玩完。
何超蓮
何超蓮與男友吳克群秘密拍拖兩年，早前吳克群私會台灣混血女模，超蓮事後在Instagram留言「Honesty is the best policy（誠實為上策）」，有指兩人因而分手。
