那些年」女神陳妍希早排嚟香港宣傳佢隻新唱片，之後又飛上北京、上海巡迴造勢，都咪話唔辛苦！
早前，媽咪姐去北京玩幾日，就同女神住埋同一間酒店，有晚同朋友食完消夜返到酒店咁啱又遇見陳妍希喎。Well，一輪無見，女神瘦咗又靚咗，不過嗰陣係半夜一點幾，佢個樣有啲攰。跟喺後面嘅女助手，一手挽住個大袋，另一隻手挽住個透明膠袋，入面裝住半邊大西瓜。咦，近排有傳陳妍希撻着林子祥個仔林德信，唔通女神諗住邊刨西瓜邊同honey煲電話粥？Woo，so sweet！
着T恤短褲嘅陳妍希，明顯瘦番，邊行邊覆message，好鬼忙！
背面睇，女神對肉腿同個西瓜一樣，好sharp吓！
林德信係陳妍希喺南加州大學嘅學弟，據聞以前已經有曖昧。上個月，女神來港開音樂會，林德信特登捧場合照，好冧！
女神唔止鍾意騷腿，喺新片《不二神探》同李連杰、文章齊齊查案，仲唔覺意騷埋事業線，強喎！
