苟芸慧、楊秀惠和梁烈唯等昨日於圓方宣傳無綫新節目，苟姑娘近日積極收身，但日前被拍到在上海打邊爐，她說：「嗰日係同安仔（郭晉安）做完嘢，佢發起一班人去打邊爐，我主要都係幫佢哋滾，但我都有食菜同豆腐。」對於緋聞男友郭富城同樣愛打邊爐，苟姑娘表示未曾與城城打過邊爐，她說：「好多人都好鍾意打邊爐，一班人食好開心，我同佢拍完廣告都冇聯絡。」唯唯稍後將參加無綫主辦的《星夢傳奇》，但被指毋須試音及內定為三甲人選，他說：「因為試音嗰陣我唔喺香港，咁我之前都上過《勁歌》同《東華》唱過，如果真係內定我就唔使練同咁緊張喇，我相信評審係公平㗎。」
苟姑娘和唯唯即場作狀拗手瓜。
from:
http://hk.apple.nextmedia ... 130620/18304641
