阿嬌同韓籍男友K先生極速玩完，相反佢前度緋聞男友麥浚龍（Juno）同混血女友Janine（戴庚玲）相當恩愛，最近仲有雜誌拍到Janine離奇湊B，暗示佢同Juno有景轟咁！
媽咪姐早前喺西灣河撞到Janine，不過佢當日並非推住BB車掃童裝，而係隨街煲煙。大街大巷吞雲吐霧，當然有礙觀瞻，但最離譜係佢扯完煙後，竟然就咁將煙頭掟落地。
其實亂丟煙頭罰千五蚊，已經實施咗好多年，住喺香港咁耐嘅Janine冇理由唔知。如果政府嘅公民教育做得唔夠好，咁麻煩Juno教下你女友喇！
Janine當街吞雲吐霧確實迷幻，最重要係佢身處喺西灣河東區法院門外，擺明挑戰法律。
雖然Janine曾經被拍得私下同陳冠希睇戲，但似乎影響唔到佢同Juno嘅感情，經常出雙入對。
一名交通警咁啱行過，進入忘我境界嘅Janine立即擰轉面迴避一下。
之後Janine索性行入後巷掉煙頭，有相為證㗎。
