《情越海岸線》星期五大結局，周日（9日）成班演員出席活動鬥搶鏡、谷收視。好似藍莓咁，早前負面新聞帶旺人氣，佢仲好醒目自動走去同男fans合照，影到連黑色打底褲都露埋。
不過最令媽咪姐有印象，反而係樂瞳……媽媽。原來樂媽媽當日專誠現身支持愛女。起初媽咪姐見佢咁後生，以為佢係樂瞳家姐，後來先知搞錯咗。難得兩個鬼死咁似樣，睇嚟樂瞳盡得媽媽優良遺傳喎。
樂瞳兩母女面尖尖，鼻頭又尖尖，加上樂媽媽保養得宜，望落同樂瞳似兩姊妹多啲。
有媽媽喺台下𥄫實，樂瞳玩得好錫身，坐低都搵毛巾遮實以防走光。
相反朱璇貫徹姣精本色，擘髀晒長腿。
藍莓亦晒料不甘後人，着住短裙都𠌥低身，梗係露出黑色打底褲啦。佢之後chok樣同男粉絲合照，好鬼識做。
