邦民女陳嘉寶（Anjaylia）童年時雖不算是個頑童，但卻有個小毛病，就是經常不願吃飯，結果有一次因扭計不吃飯而激嬲媽咪，把她抱到窗口，然後把她的身體微微伸出窗外，家住23樓的她被媽咪一嚇，從此學會乖乖吃飯。
陳嘉寶自小是很聽話的小女孩，因為母親對其管教頗嚴厲，她說：「媽咪對禮貌呢樣嘢睇得好重，見到人一定要叫人同點頭。當有人畀糖我食，我講多謝之餘，如果媽咪唔點頭應承，我絕對唔可以拎粒糖㗎。」
Anjaylia表示父母從沒打過她，令她留下最深刻印象的一次是不肯吃飯被罰，她說：「細個時我成日唔肯食飯，有次激到媽咪好嬲，佢就抱住我伸咗我少少身出窗口，我哋係住23樓，當時真係好驚，俾媽咪嚇完之後我就乖乖哋坐番埋位食飯，以後都唔敢唔食。」
【19歲】
Anjaylia童年時最愛玩的遊戲是角色扮演，難怪長大後會入娛樂圈。
【1歲】Anjaylia擁有一雙明亮大眼睛，看起來精靈可愛。
【2歲】Anjaylia小時候很容易滿足，一小包糖果便可以令她樂足一整天。
扮售貨員惹禍
另一次被母親大罵的事件就是玩角色扮演遊戲時，把玻璃飾櫃的擺設全部弄碎，她說：「因為家姐大我十幾年，我細個都係自己同自己玩，最鍾意就係扮售貨員。屋企有個6層架嘅玻璃飾櫃，入邊放晒阿爸阿媽去旅行買番嚟嘅紀念品。嗰次我又扮售貨員，隻手一枕落去塊玻璃就跌，一層撞一層所有嘢跌到爛晒，好彩冇整傷，最後當然係俾阿媽大鬧一場啦。」
【4歲】Anjaylia在家最喜歡爬上沙發頂和爬窗花。
【5歲】小時候家人很喜歡為Anjaylia拍照。
此外Anjaylia的媽媽自小已向她灌輸未完成大學課程不可以拍拖的概念，所以她從來沒有犯規，她說：「我中學係讀基督教學校，好多同學都冇拍拖，同埋我好黐家，放假都好少出街，去到中五最夜返屋企嘅一次都係夜晚7點半，所以父母對我好放心。」
【6歲】Anjaylia最喜歡美少女戰士，所以常常穿這條裙子。
【17歲】Anjaylia到美國迪士尼遊玩，在精品店內試遍所有頭飾。
from:
http://hk.apple.nextmedia.com/entertainment/art/20130615/18297936
