大隻男如羅仲謙一向受歡迎，近期連45歲張家輝都秘密加入戰團，用咗1年時間，由化骨龍變肌男。
去年拍《大追捕》開始操肌的家輝，今年在林超賢執導的新戲《激戰》飾演過氣拳王，為角色練得一身倒三角蝴蝶肌，比同劇的彭于晏、安志杰更有睇頭。巨肌得來不易，家輝又講明只此一次兼唔會刻意keep，當然要趁未走樣影低留念。據知，除了幫月刊影的一輯圖片外，家輝自己亦私藏幾張爆肌相，谷肌谷到荷爾蒙失調咁大犧牲，呢刻唔影等幾時？
早前出席活動時，張家輝自爆老婆對自己一身朱古力肌反應冷淡，他說︰「老婆其實冇乜感覺，係有時我操得太勁，佢會話我啲肌肉好似爆炸緊！」
[img]http://3.share.photo.xuite.net/foodlife/1381cdf/6345809/258729358_x.jpg[/img
45歲張家輝竟然操到郭富城身形，而且曝光前冇人發現，難怪批相一出街即刻成為焦點。
彭于晏喺《激戰》中飾演過氣富二代，要搵過氣拳王家輝將佢訓練成新一代拳王。
家輝上週出席《中國合伙人》首映，面部多番幾分肉，着住西裝真係睇唔出佢副靚body！
戒鹽油糖結婚9年的老婆關詠荷唔識欣賞，反而家輝非常自戀，除了為雜誌拍了一輯大隻相，又私下吩咐朋友幫手影低一身蝴蝶肌，留住最美一刻。
為了配合8月尾在港上映的《激戰》中拳王角色，家輝向健身教練Michael求救，日操夜操下終於谷爆肌。訓練初期要戒鹽油糖及澱粉質，只吃白烚雞肉、魚；中段每日食20至30隻蛋白，直到拍攝前幾日，齋食白飯令肌肉膨脹，最痛苦係要脫水等身體收乾水分，每次飲水只可濕濕嘴角。
經導演林超賢介紹，彭于晏與家輝一樣搵Michael幫手操肌。
張家輝（右）與彭于晏（左）喺《激戰》中扮演兩師徒，論肌味，家輝與31歲于晏弟弟有得揮。
小便起泡咪以為節食就練得成巨肌，家輝接受雜誌訪問時，話操得太盡搞到荷爾蒙失調，當時小便有成吋厚的泡沫，要沖幾次水先沖得走，又試過成個人乾到全日唔使去廁所，夾硬去都係得幾滴啡色液體，又會突然狂爆瘡，聽落都恐怖。
操到喊驚，家輝講明唔會有下次，據知有導演搵家輝增肥拍戲，但被家輝一口拒絕。剛剛拍完陳木勝新片《掃毒》，家輝即將為自己首次自導自演的鬼片《盂蘭神功》埋位，雖然收一份人工做兩份工作，不過可以話晒事，起碼唔使再虐待自己啦！
老公專心拍戲，關詠荷就專心湊女，上週五（31日）陪住7歲餅印女往灣仔學長笛。早前張氏一家更由貝沙灣搬去月租11萬跑馬地逸廬。
星級魔鬼教練幫張家輝操到李小龍身形的魔鬼教練Michael（郭迪佳），原來亦係李嘉欣、彭于晏、吳君如的私人教練。早前吳君如喺《康熙來了》自爆介紹過Michael畀陳妍希做男友，不過兩人唔過電，只做了妍希BB的健身教練。
Michael 09年曾在灣仔開設Vim Sports Academy，去年7月結業，不過手上咁多明星客仔，肯定唔憂做！
Michael外表溫文，但其實相當嚴厲，連家輝都話差啲因為太辛苦而同對方反面。記者上週六曾致電他，但他卻不願透露地獄式訓練家輝的詳情。
李嘉欣
吳君如
陳妍希
藤條變巨肌
'84得棚骨初入警察訓練學堂時唔夠100磅，手腳幼過藤條，似非法入境者多過警察。
'99豬腩肉《千王之王2000》入面，家輝除衫跳鋼管舞，全身白雪雪又鬆泡泡，完全冇shape。
'01谷唔起拍《走投有路》時，家輝開始做運動，雖然未算好結實，起碼收番個肚腩仔。
'12筋肉人為《大追捕》監躉角色操肌，激減10磅，更因操練過度搞到一日暈三次。
