連詩雅嘅MV一向喺YouTube hit rate有保證，人氣夠，樣靚長腿正至係班電車仔迷佢主因。上週一（27日）佢就同沈震軒喺觀塘拍攝葉念琛執導嘅新戲《溝女不離三兄弟》，即場示範喇。
攞命熱褲仔
連詩雅背心熱褲散熱，熱褲短到幾乎見到pat pat（下圖），同連詩雅會有激吻戲的沈震軒睇到眼定定，因住俾人傳你哋有嘢呀。
連詩雅打鼓時發現進擊之小強，連忙尖叫；工作人員真係準備咗真小強（小圖），唔係講笑！
《爆腎》Kevin仔有份拍，一向玩得喪嘅佢，忽然從後嚇As One嘅Shin，唔知以為Kevin仔抽人水呀！
明知長腿係賣點，當日連詩雅着住條超短紫色熱褲加牛仔背心扮rock妹，不過呢場戲就難頂喇！拍攝現場個工業大廈竟然壞冷氣，工作人員要開住幾把大風扇頂住，但埋位拍攝時就要熄風扇焗到抽筋。場戲講連詩雅要將油罐、膠盆等當係鼓咁打，本來打鼓好平常，但係FBI見工作人員竟然捉咗幾隻生猛曱甴放喺透明膠樽內，《玩爆你個腎》嘅惡搞王Kevin仔又在場，成個格局似足大整蠱，好彩葉導演同FBI講：「場戲係講連詩雅打打吓發現小強，嚇到傻咗，唔會一齊拍，拍完連詩雅啲打鼓戲，至補拍番啲曱甴shot，唔會嚇佢嘅。」其實真嚇效果仲逼真喎！
