三級女星李華月打真軍落街

上個禮拜日（五月二十六日），《壹》仔時運高，喺跑馬地見到拍三級片打真軍嘅李華月，同工人孖咇買餸，雖然有著衫，但豪放不改，五十七歲依然愛自由，緊身背心唔戴bra，飛住釘去街市買蟹，跟住再去食物店同麵包鋪，兩個大購物袋full晒先上樓。

落街買餸，李華月面口打真軍見人，零顏色亦唔戴超，整容樣整過邊忽，一目了然。時下女星愛執樣，想到假以時日，一街都李華月，八珍都嚇咗一跳！

貼身熒光青背心飛釘買蟹，李華月望六張，但人老心不老。

喺專賣意大利食品嘅鋪頭入貨，李華月顧住食雪糕，由工人負責執貨。

撞鬼囉！