謝金燕女神現形睇見俊介周圍去，笑晒影相，再睇番台灣今期新聞女主角、38歲「電音女神」謝金燕，有時真係覺得做狗仲happy過做人。
係呀，金燕姐姐2010年憑台語舞曲〈嗶嗶嗶〉喺香港騎呢爆紅，仲紅返去台灣，勁威！但佢17歲就因車禍毀容（See，整容科技係有貢獻嘅！），又幫老竇還過大筆賭債，09年仲被揭有私生子㖭。人生有無咁坎坷呀？唉，所以佢最近被影到平日出街包到似隻糉，披頭散髮似個驚驚青青嘅大嬸。女人真係唔易做，振作呀！姊妹。
金燕姐姐爆紅作〈嗶嗶嗶〉，其實似女版尹光，詞曲精奇，建議上YouTube重溫！《台灣一週刊》圖片
09年，謝金燕被揭有私生子，阿仔今年已經16歲。
