張智霖（Chilam）與劉心悠昨日以代言人身份，現身尖沙嘴Fancl活動，Chilam更表示今年有不少代言工作：「今年好幸運，代言多咗，收入都好滿意。」問他會否買禮物獎勵自己，他表示：「唔需要，自己覺得健康重要啲。」
在Chilam心目中，太太袁詠儀與紅姑（左）都是美人。
Chilam大讚同場的心悠BB靚女，問到跟太太袁詠儀（阿靚）相比誰漂亮，他笑言：「阿靚都讚佢一等一靚女，呢啲唔可以搵嚟比，心悠係一級靚女，紅姑係神級走唔甩，靚女唔可以強求，要天然。」對於現在的女星天然難尋，Chilam笑言：「係囉，我唔知啲人係咪整容，個個樣一樣，自己有面盲症，分唔到邊個打邊個，靚要各有特色。」記者表示男藝人也有此現象，Chilam笑言：「係，冇需要搞到個個一樣樣，畀啲選擇觀眾。」
張智霖與劉心悠齊齊一身白色裝束出席代言活動。心悠BB公認為高登女神，她表示想過整容，增大腳板。
心悠嫌腳細
在旁的心悠BB也諗過整容：「有諗過，因為自己（着）四號鞋，想整大啲對腳，大一個size已滿足，童裝冇高踭鞋，𠵱家都係塞紙巾或黐膠紙，都企唔穩。」
此外，有傳Chilam約滿澤東轉投蕭定一，他表示：「同澤東仲有兩個月約，同佢哋多年似一家人，有乜決定都會支持我。」問到他是否酬勞吸引跳槽，他表示：「自己入行多年，需要新衝擊畀自己，去到邊都靠自己努力，係冇人幫到你，同邊間公司合作唔係重點。」
from:
http://hk.apple.nextmedia.com/entertainment/art/20130610/18291208
