無綫新劇《My盛Lady》昨日於將軍澳一酒店拍攝結婚場面，講述互不相識的男女主角黃子華和徐子珊於場中狂贒異性搵食，雖然子珊以低胸短裙示人，但仍不敵之前因涉及藏毒助查的張慧雯噴血谷胸，難怪子華亦對她另眼相看。
去年11月因同車司機藏有大麻花而助查的2010年華姐季軍張慧雯，昨日為客串《My盛Lady》博到盡，她說：「之前少job，所以瘦咗。件衫公司提供嘅，咁低胸，如果喺加拿大咁着都算，香港平時就唔好喇。我喺劇入面做一個肉食女，不過唔係好明乜意思，只知要好sexy。其實故事係講子華想追我，不過我就睇中袁偉豪，仲喺酒吧灌醉子華。」
（左起）袁偉豪、徐子珊、張慧雯與黃子華昨日現身將軍澳拍攝新劇的結婚戲份。女主角徐子珊（左）低胸上陣，但不敵以客串身份演出的張慧雯噴血谷胸。
子珊忍痛着高踭鞋
而自稱一向主動結識異性的子華，對感情狀況則三緘其口，他說：「唔好問我呢啲嘢啦！總知我打算兩年內結婚同抱孫，不過我自問講嘢都唔可信，你哋唔信我都好正常，總知兩年內你哋見到我抱孫咪知有定冇囉，唔得我就自己人工授孕，可能我會學Michael Jackson咁。」穿上5吋高踭鞋的子珊早前弄傷腰，昨日她雖然行動自如，但就透露未完全康復，彎腰時尾龍骨仍感痛楚。
黃子華chok爆拍劇，又指考慮請代母生孫，貫徹冇句真精神。徐子珊腰傷未癒，不過仍以5吋高踭鞋上陣拍攝。
from:
http://hk.apple.nextmedia.com/entertainment/art/20130610/18291224
