劉德華昨晚在金鐘一間餐廳出席第二屆香港薩蘭托國際電影節，大會邀請了意大利駐港總領事Alessandra Schiavo頒發了Salento Actor Award給他，華仔昨日表示：「上年呢個獎係由葉德嫻攞，今年就係我，感覺好似一家人攞晒。希望今後可以更努力擴闊港片喺歐洲市場嘅佔有率啦！《桃姐》遲吓都可以喺歐洲盛大上映，我都好開心。」
華仔昨日獲得薩蘭托國際電影節頒發的獎項，心情好興奮。
葉德嫻上年得過此獎，今年由華仔奪得。
想追多個囝囝
問到華仔日前為女兒在半島酒店慶祝一歲生日是否很開心？他立刻封口說：「多事！」再追問母親節如何慶祝？他說：「會喺屋企過。」有記者提議他多追一個兒子，他說：「好！」
提到早前有報道指他扮大牌，原本接了吳宇森執導的《生死戀》，但因他臨時加大片酬、又給不足檔期，還要求擁有影片最後剪接權，引起吳宇森不滿，將他飛出，換了《北京遇上西雅圖》主角吳秀波演出，昨日華仔否認各種傳聞，他表示：「拍唔到吳宇森部戲好遺憾，因為撞咗期，唔想影響人，期望下次合作啦！」
from:
http://hk.apple.nextmedia.com/entertainment/art/20130512/18256889
