趙碩之最近為公司合約問題十分煩惱，前晚以低胸背心短褲打扮去圓方欣賞《星空奇遇記：黑域時空》首映，強調只係同朋友睇戲，並唔係工作，提起合約糾紛，她說：「自從上次新聞出嚟後，公司都冇聯絡我，其實舊年下半年都係完全零工作，如果公司話今年延長合約嘅話，到依家都係一個工作都冇，公司說法完全說服唔到我。」碩之指明白自己未能幫公司賺很多錢，但又反問：「到底係邊個控制工作多唔多呢？」暗指公司冇為佢接Job，令佢未能為公司賺錢。不過現時合約問題都交畀律師處理，對於公司要求佢賠償40多萬投資喺佢身上費用，碩之好不滿咁話：「合約冇寫明，經理人公司投資嘅錢要自己賠償？公司蝕嘅錢都包括其他女藝人，點解只追我呢？好似戴夢夢，Melody都係，舞台劇《風之后》投資幾百萬又入晒我數？」
from:
http://hk.apple.nextmedia ... 130511/18256520
