楊紫瓊早前在馬來西亞出席當地總理納吉布（Najib Abdul Razak）的萬人宴，大馬人民不滿政府貪腐，楊紫瓊為他們造勢惹來網民怒轟助紂為虐，呼籲杯葛其電影。
楊紫瓊早前出席大馬總理納吉布的晚宴，惹當地人民公憤。
楊紫瓊難得回港亮相活動，心情大靚，未受捲入大馬選戰紛爭影響。楊紫瓊曾表示未婚夫Jean Todt多次求婚，現正努力夾期結婚。
難夾時間結婚
楊紫瓊昨在尖沙嘴出席美容品牌活動，心情未受事件影響，風騷表示最近忙於穿梭法國及瑞士兩地，剛完成非洲宣傳道路安全之旅，下周將到俄羅斯繼續宣傳。問到她為大馬政府造勢而捱轟，大會公關即擋駕，楊紫瓊未有迴避說：「今次返香港係宣傳品牌，關於政治，特別係大馬嘅政治，要講嘅已經講咗，要都喺當地講。」會避忌？她說：「你知我個人好直，有嘢講一定要講。」
楊紫瓊與法籍未婚夫Jean Todt婚期拖延多時，她說：「努力緊，拎schedule出嚟對，唔可以求其搵一日，要特別日子，但搵唔到。」至於地點，她說：「父母喺大馬，一定喺大馬搞，如果匿埋搞，父母會傷心，今年積極搞道路安全，同未婚夫計劃去六個國家。」她直言今年成婚機會微，為搞婚禮而不拍電影？她指是兩回事，正洽談東南亞的大計劃。
楊紫瓊稱朋友分佈不同地方：「不如每個有知己嘅地方都擺一次，或者去某地方擺，請所有朋友一齊慶祝，唔可以馬虎，就朋友時間好難。」提到好友梁洛施，楊紫瓊謂未有聯絡，不知她被指與新歡外遊，但會祝福。
from:
http://hk.apple.nextmedia.com/entertainment/art/20130430/18244904
