30轉sex 尹恩惠尹恩惠於13年，跟JYJ成員朴有天、已入伍嘅俞承豪合作電視劇《想你》（無綫精選台將於5月10日播出，並改名為《想念你》）。劇集於韓國播出時，叫好又叫座，除兩男主角人氣飆升外，亦令11年至12年沉寂咗足足一年嘅尹恩惠知名度大增。不過，單有知名度唔夠，最緊要有粉絲撐。為咗吸納fans，踏入30之齡嘅尹恩惠，逐漸走向成熟、性感之路。初出道身材平平無奇嘅佢無論出席活動、拍寫真集、甚至廣告，都毫不吝嗇力谷3吋事業線。宅男粉絲頂得住冇？
尹恩惠喺《想你》入面，洗脫《宮》同《咖啡王子一號店》天真嬌角色，飾演悲情人物，15歲時同男友朴有天兩小無猜，但捲入家族鬥爭，被強姦險送命。後來，輾轉認識富家子俞承豪。兩人談婚論嫁之際，竟然重遇朴有天而發生一段關係複雜嘅三角戀。做戲即係做戲，戲中尹恩惠角色相當可憐，跟熒幕下性感小野貓形象完全格格不入。
電視劇《想你》入面，尹恩惠同朴有天嘅服飾成為潮流時尚，好似呢條圍巾更一度賣斷市。而朴有天呢條就送咗俾湖南衞視《快樂大本營》主持人謝娜。
真人不露相，尹恩惠喺電影《聖誕出逃記》打過拳後，不知不覺愛上了，更加入咗韓國業餘拳擊會到依家。早知無綫套《拳王》搵佢拍啦！尹恩惠同金鐘國拖拖拉拉咗兩年，隨住男方入伍而斷纜。
尹恩惠上個月新推出嘅內衣廣告，大騷3吋事業線。
主力性感掛帥近年尹恩惠由高瘦平變小葫蘆，露胸似食生菜。最近不單喺夏威夷拍咗一輯性感寫真集，亦成為內衣代言人。睇嚟尹恩惠已走向「性感」嘅不歸路。
尹恩惠自從由女子組合Baby V.O.X單飛轉向演藝界發展後，星途尚算順遂。尤其06年的《宮》及《咖啡王子一號店》，人氣度上升，可惜隨後嘅《葡萄園裏那男人》、《拜託小姐》及《個人取向》都未能助其人氣再上一層樓。直到13年《想你》，知名度才再度上揚。
尹恩惠舊年應邀任「香港電影金像獎」嘉賓時，因為機場零fans接機，登時黑面。事件傳番韓國，俾網友插爆，話佢EQ低。真係慘情。
冇fans接機啫，有影帝劉華傍住，齊作頒獎嘉賓，乜都抵番啦，難怪笑到四萬咁。
尹恩惠同港星、尤其一線大星好有緣，先係有劉德華，之後又同古天樂擔任名牌精品店剪綵嘉賓。
緋聞煲無米粥講起嚟，尹恩惠雖喺演藝圈咁多年，但緋聞五隻手指數得晒，當中包括李秉憲、俞承豪，其中只承認曾跟國民歌手金鐘國有過一段情。不過最不可思議係佢竟然跟睇起嚟毫無交集嘅G-Dragon都傳出緋聞。演藝界真係冇嘢冇可能。
當年嘅肥妹仔，幾年間蛻變成性感小野貓。咦，「細細粒」應該都可以喎！
