呂方自從08年宣佈同拍拖16年嘅鄭裕玲玩完，男方近年桃花運未停過，身邊女伴如車輪轉，現年50歲嘅佢，前晚仲一拖三中女夜蒲老蘭，果然有心又有力。
年逾半百嘅呂方，前晚帶埋一班中女到老蘭夜蒲。
桃花多常換畫
呂方回復單身之後，女伴換唔停，先後有內地有米fans王劍群（May May）、內地女子周小燕同埋長髮中女傳過緋聞，幾個月前帶中女去蘇豪開飯。而前晚11點幾，佢就同三個中女出現中環街頭認真巴閉，四人全程鬼祟避忌，身穿黑西裝嘅呂方周圍望，好似怕俾人偷影，佢同班中女保持約10米距離，但又怕周末人多走失，佢有時又回頭望吓，其中有中女又催呂方行快啲。四人咁心急，原來趕住去威靈頓街嘅Kee Club。
呂方08年同鄭裕玲分手後，男方近年嘅女伴換唔停。
去到樓下已人頭湧湧排晒隊，呂方馬上走去同Kee Club門口保安打招呼，跟住突然又多會合五名男女，呂方數齊人頭就帶佢哋入場。喺入面呂方仲開香檳，同朋友暢飲咗大約15分鐘，安頓晒就先行離開。
from:
http://hk.apple.nextmedia.com/entertainment/art/20130429/18243211
