韓國演藝界又多一對情侶誕生喇！講緊嘅係啱啱同宋慧喬拍完劇集《那年冬天，風在吹》嘅韓國男星趙寅成，佢被踢爆到同女星金敏喜已秘密拍拖第四個月。雙方所屬嘅經理人公司今早發表聲明，承認「成金戀」，指佢哋仍處於感情萌芽階段，希望大家今後「以溫暖嘅眼光守護佢哋」。
其實成哥同喜妹識咗好耐，12年前仲一齊拍過廣告，不過關係直至今年1月先有突破，媒人多得成哥好友金C。佢哋通常喺車廂約會，而上個禮拜三，成哥上完金C個電台節目後，兩人齊齊會合喜妹同形象師食飯，仲好小心怕曝光而前後腳鬆人添。
http://hk.apple.nextmedia ... 130424/51367854
