好多人唔係好了解，咁我就講下
香港大部份有銀聯的提款卡都可以喺國內任何提款機提款，但要收跨境手續費15蚊，但係都有例外，好似CITIBANK如果喺中國CITIBANK撳錢，係唔收手續費嘅，其實你有銀聯提款／信用卡，你都可以問銀行可唔可以喺中國銀聯用，一般都得，但提款卡要記住用之前設定境外提款上限
另外，你如果成日來回中港，都可以喺中國申請提款卡，如果成日要轉嚟轉去嘅，可以申請網銀（但一般要收年費5蚊左右），如果唔太識用或者冇需要，可以唔使
但申請嘅時候唔好求其申請間就算，最好申請大銀行，好似交行，建行，工行，因為呢D銀行分佈廣，撳錢方便，國內好多銀行都只能夠喺自已銀行ATM免費，否則要收跨行費5﹣10蚊
另外你都要留意你平時去開邊度，如果你成日來回廣深，可能最好深圳，廣州卡各開一張，因為就算同一間銀行，喺中國唔同市提款都要收費，即係例如你有張深圳工行卡，去廣州工行ATM都係要收5蚊，跨行兼跨市就可能更加貴
如果您喜歡這篇文章，請按「讚」或分享給您的朋友，以示鼓勵。
