現年32歲嘅陳冠希同細佢10歲、台灣女生洪文安（Ann）拍拖半年，仲係處於熱戀期，所以一得閒陳冠希就會飛去台灣短敍，一個月至少去一次，上個禮拜五佢哋又喺台灣見面，睇完戲之後仲急急腳返酒店。
當日陳冠希同阿Ann去咗台北信義威秀影城睇戲，同行仲有一男一女，陳冠希一貫潮打扮，Ann就以短裙露出性感長腿。陳冠希同女友好夾嘅地方，除咗係煙癮之外應該就係都喜歡玩自拍。開場前一行四人去咗煲煙期間，Ann就不停玩合照同自拍，陳冠希仲情深地從後嚟一個擁抱，𠱁到Ann鬼咁開心即時舉機自拍，雖然喺人來人往嘅通道，但兩個人都完全唔避忌，又難得冇人認出陳冠希。
【酒店夜敍】
陳冠希（左）、Ann
Ann本身是陳冠希時裝店的御用女模，難怪陳冠希近水樓台。資料圖片
瘋狂煲煙
套戲散場之後，成班人再去煲煙，睇嚟佢哋煙癮都好大。食完煙陳冠希同Ann就跟友人道別，跟住佢哋上咗架喺門口等緊嘅平治房車，直駛返晶華酒店，返到酒店前Ann單拖落車到便利商店買嘢，陳冠希就留喺車等，之後兩個人搭住膊頭入酒店。
據知，因為陳冠希每月都會嚟探女友，為咗把握見面時間佢有意喺台灣置業，諗住喺信義區買屋，預算大概係3,000萬新台幣，同女友共築愛巢。
from:
http://hk.apple.nextmedia ... 130423/18236915
