噚日「第17屆全球華語榜中榜音樂大典」喺澳門威尼斯人那不勒斯宴會廳舉行，陳奕迅（Eason）、容祖兒、Twins、蔡依林（Jolin）、羅志祥（小豬）、楊丞琳、莫文蔚、王心凌、美國流行歌手Adam Mitchel Lambert、蕭亞軒等歌手噚日先行紅地毯，當中穿上低胸短裙嘅王心凌同蕭亞軒算係比較性感，而噚晚頒獎禮上會有一個環節向逝世十年嘅張國榮致敬。
阿Sa扭親頸
壓軸登場嘅Eason風騷現身，對於近日欠下周身7月紅館個唱飛債，Eason就話唔理咁多，亦冇得再加場，不過有讀者報料話有人公然喺facebook大晒近千張門票，仲收取超貴手續費，擺明就係黃牛黨。而同場嘅蔡卓妍話之前喺北京練新跳水招式，點知就整親頸，早前佢仲懷疑有H7N9，佢話：「冇睇醫生，已經退燒，自己唔擔心，不過我練跳水搞到爆微絲血管，好似鍾無艷咁。」Jolin噚日密實現身，成日俾人話變臉嘅佢俾人問到有冇興趣玩跳水節目嗰陣，佢話：「暫時沒有這個考慮。」Jolin日前喺台灣駕駛佢架價值635萬新台幣嘅白色BENZ跑車，接載男友錦榮兜風，估唔到Jolin唔止跳舞叻，連手車都好勁揪。
噚日「第17屆全球華語榜中榜音樂大典」喺澳門威尼斯人那不勒斯宴會廳舉行，陳奕迅（Eason）、容祖兒、Twins、蔡依林（Jolin）、羅志祥（小豬）、楊丞琳、莫文蔚、王心凌、美國流行歌手Adam Mitchel Lambert、蕭亞軒等歌手噚日先行紅地毯，當中穿上低胸短裙嘅王心凌同蕭亞軒算係比較性感，而噚晚頒獎禮上會有一個環節向逝世十年嘅張國榮致敬。
阿Sa扭親頸
壓軸登場嘅Eason風騷現身，對於近日欠下周身7月紅館個唱飛債，Eason就話唔理咁多，亦冇得再加場，不過有讀者報料話有人公然喺facebook大晒近千張門票，仲收取超貴手續費，擺明就係黃牛黨。而同場嘅蔡卓妍話之前喺北京練新跳水招式，點知就整親頸，早前佢仲懷疑有H7N9，佢話：「冇睇醫生，已經退燒，自己唔擔心，不過我練跳水搞到爆微絲血管，好似鍾無艷咁。」Jolin噚日密實現身，成日俾人話變臉嘅佢俾人問到有冇興趣玩跳水節目嗰陣，佢話：「暫時沒有這個考慮。」Jolin日前喺台灣駕駛佢架價值635萬新台幣嘅白色BENZ跑車，接載男友錦榮兜風，估唔到Jolin唔止跳舞叻，連手車都好勁揪。
楊丞琳嘅半透視裝就似乎成熟咗少少。蜜運中嘅蕭亞軒都係以低胸裙出現，非常高貴。
打扮中性嘅容祖兒俾人話似足羅志祥。
而噚晚阿Sa奪得最受歡迎女歌手（香港），最受歡迎男歌手（香港）則由林峯奪得，最受歡迎男女歌手（台灣）就分別由羅志祥和蕭亞軒獲得。
小豬同曾經傳緋聞嘅楊丞琳同Jolin同場，楊丞琳強調大家係好朋友，唔會覺得尷尬。而林峯對於舊愛潘霜霜網上晒新歡照，佢就話唔關佢事，亦都唔想再講。
林峯同阿Sa噚晚奪得最受歡迎男歌手（香港）同埋最受歡迎女歌手（香港）。欠下周身飛債嘅陳奕迅噚日風騷到澳門出席頒獎禮。
from:
http://hk.apple.nextmedia.com/entertainment/art/20130419/18232681
